為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 21 日

何傲兒風騷召「兵」接駕

之前,何傲兒(Lily)同林建名嘅「爺孫戀」傳得甚囂塵上;不過,傳還傳,佢哋認晒只係契父女關係,Lily仲聲稱單身好耐,暫時未有心儀對象咁話。其實,以佢咁高質素,樣靚身材正,平時仲嗲聲嗲氣,撒嬌女人最攞命,絕對冇可能係沒女,裙下之臣隨時由灣仔排到落旺角啦!

東姑早排就喺銅鑼灣撞見Lily,着住條超短迷你裙,露出一雙白滑美腿,離遠都勁吸睛。難怪,就算離開咗無綫,冇喺電視螢幕亮相咁耐,大家對佢都仲咁熱情。佢喺街上一出現,就即刻畀幾個途人認出,仲截停佢猛「集郵」,而Lily都好nice,任影唔嬲。

滿足晒fans嘅要求之後,見Lily左望右望似係搵的士,但咁唔好彩撞啱繁忙時間,佢愈行愈遠,一直都截唔到車,見佢後來終於攞咗個電話出嚟,冧滋滋咁講咗幾句,估計係召喚「觀音兵」揸車嚟接佢。相信「娘娘」只要一個電話,啲「兵」馬上就到,隨傳隨到,實快過Uber啦!

Lily嗰日着住條超短迷你裙,露出一條白滑嘅美腿,相當吸睛。

 

Lily發現東姑,sweet爆笑容同東姑say hi,咁sweet嘅佢,一定唔少裙下之臣。

 

佢對住電話冧滋滋咁,可能係向「觀音兵」撒嬌,召喚對方嚟接載。

 

Lily行行下路,忽然女神上身,擺出一個蘭花手托香腮嘅迷人甫士。

 

雖然Lily冇喺無綫亮相咁耐,但行喺街度,依然畀途人認得。