為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 19 日

陳百祥千依百順

向來鍾意認叻嘅陳百祥(阿叻),講嘢口沒遮攔,成日跟網民開火。不過,火氣十足嘅佢,對住老婆黃杏秀就千依百順。

好似上月秀姑生日,阿叻就喺馬會搞生日會幫老婆慶祝,更大講「愛的宣言」︰「我人生做得最啱嘅事就係娶黃杏秀做老婆,係我嘅福氣!」此外,錫爆秀姑嘅阿叻,老婆話乜做乜,上周佢幫慧妍雅集三十五周年晚會做司儀,當女歌手閻奕格一上台唱歌,佢即刻拎出手機,好緊張咁走到台邊拍片。有賓客多口問佢係咪閻奕格粉絲?佢答︰「我老婆叫我拍o架!」佢繼而目不轉睛,緊守崗位拍晒成首歌。相信佢收工後,便第一時間回家,交貨畀秀姑慢慢聽。

閻奕格係香港中樂團藝術總監閻惠昌個女,當然係唱得之人,一上台獻唱,阿叻即刻到台下揀個靚位,企定定拍片。

 

 

 

當晚入場前,阿叻已經捉實閻奕格影張合照先。

 

秀姑上月六十一歲生日,阿叻叫齊朋友到場慶祝,更當眾錫錫老婆。