為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2017 年 05 月 18 日

恒指攻破25000點 「牛三」揀股秘笈

恒生指數上周三終於衝破二萬五千點,是一五年七月「港股大時代」以來首次。即使美股出現調整,A股氣氛又「麻麻」,恒指仍連續多日企穩二萬五收市。

本刊專欄作家、資深投資者林一鳴早前預告,恒指一旦升穿二萬五千點重大阻力位,港股將正式步入「牛市三期」,隨時「升到你唔信」。他維持大市已進入「牛三」的預測,自己更身體力行,將股票投資比重增至八成,相信未來半年至一年,大市走勢將「大漲小回」。

其實今次升市可說無聲無息來臨,一來外圍和A股乍暖還寒,美國又有加息壓力,散戶戰意並不高昂,普遍未能在今次升浪中賺大錢。本刊找來多位投資專家提供揀股秘笈,希望助股民追回失地。

周三,恒指終於攻破二萬五。林一鳴直言已確認大市進入牛市三期,自己在股票的投資比例已增至八成,「嚟緊會有半年至一年嘅大升市,升穿兩萬五嗰日我已經加倉,未來會大漲小回,後市非常樂觀!」

牛市三期下,他建議散戶每逢回調就要吸納股份。「第一階段升大價股,好似騰訊(0700),之後就係落後嘅大股;再之後就到二、三線股,最後升到垃圾股都可以一日升一倍,就係沽出信號!」

林一鳴解釋,每當股市升穿重要阻力位,基金經理就會慢慢增加股票投資。「現時騰訊升到二百六十蚊,佢哋唔會大手追貨,細股又唔會買,所以會揀落後大股。之後散戶會入場,開始追二、三線股,最後升到啲見到個名都唔知做咩嘅垃圾股,就可以沽出股票,每個循環都係咁!」

相對於「牛魔王」林一鳴,民眾證券董事總經理郭思治估計,恒指今個升浪有機會炒上二萬八千點。

「年初至今,恒指每個月最低位都係向上行,處於一級一級向上形態。一六年恒指高低波幅六千點;一五年八千二百幾點。今年低位係年初二萬一千八百點,就當高低相差七千點,只要恒指唔跌穿年初低位,今次高位肯定會超越二萬八千點,將會係一個大型升浪。而最大個升浪,仲未開始!」

港股接近兩年來首次重返二萬五千點,但不少散户仍慨歎未能賺大錢。

 

牛市循環有路捉

有別於過往牛市殺聲震天,大行紛紛跳出來唱好,今次港股只是「慢牛」,尤其外圍環境未完全配合。美國幾肯定六月再加息,聯儲局又計劃縮減資產負債表規模,中國加強監管金融業,A股更是「弱過藥煲」,港股成交沒有因為恒指突破二萬五千點而飊升。

郭思治認為,港股不一定跟美股、A股走,反而因估值較低,吸引資金流入追落後。「以往A股升港股先升,現在唔跟A股走,甚至A股跌,中人壽(2628)都升。呢個浪唔排除係中資買貨,因為內地股市疲弱,樓市又有限購,資金咪南下囉!至於美國,標普指數市值達二十萬億美金,只要一、兩個巴仙流入港股,市況已經翻天覆地。」

事實上,受到一五年港股大時代深刻教訓,現時散戶的戰意未算高昂,特別是升市頗為集中幾隻超級強勢股,無貨的股民難有斬獲。「你問身邊朋友高位會唔會走啲貨,好多都話:『我都冇貨!』」郭思治說。

散戶若相信牛三更大升浪在後頭,股壇專家提供三大揀股秘笈,相信有助追回失地。

比亞迪是內地電動車龍頭,受國家政策支持,是過去兩年跑贏大市的中資股。

 

策略一:追強勢股

首先是追買強勢股,例如騰訊(0700),皆因騰訊走勢就如香港樓市「強到冇朋友」。無論基金或散戶,如果不想跑輸大市,倉底都一定要揸騰訊。

「冇辦法,在贏家全取嘅科網市場,一定要買龍頭。過去二十年,喺美國信亞馬遜就冇死,香港就買騰訊!」豐盛資產管理董事黃國英說。

股民若怕短線大注買入後出現調整,他建議以月供形式入貨。目前騰訊每手入場費約二萬六千元,每月買一手未必人人可以負擔,但不少銀行和股票行都有月供股票計劃,每月入場費低至幾百至幾千元,可以慢慢儲夠一手。

郭思治認為,可採取分注買入策略。「怕股市升到咁高,一買就中伏嘅話,可以考慮逐少逐少買,控制風險。」

而原本「鑊氣」更勁的手機設備股瑞聲(2018)和舜宇(2382),前者上周受沽空機構狙擊,股價大跌一成;加上手機外殼生產商通達(0698)大股東配股,都影響這個當炒板塊的投資氣氛。

中國金洋資產管理董事總經理郭家耀認為,瑞聲受狙擊只是個別事件,其他受累的手機股短線可以博反彈,長線則宜審慎。「每次有熱門手機推出,手機設備股都會受惠,但要留意呢類股受市場周期影響,未必適合長揸。」

年初至今,恒指雖然大升一成四,但升勢頗為集中。例如佔指數比重最大的騰訊,今年累積狂飆三成六,已貢獻恒指四分一升幅。佔比重一成的滙豐(0005),今年亦升一成二;連同佔百分之八的友邦(1299),三大重磅股已貢獻恒指一半升幅。

現時恒指雖重上二萬五,但成交仍不及一五年,所以港交所股價落後。