為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 05 月 17 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

法國史上最年輕總統

無耐之前環球各地都先後出現過大大小小嘅政局變化,先有菲律賓狂人杜特爾特(Rodrigo Duterte)當選菲律賓總統,再有嚟近嘅英國脫歐,跟着又有特朗普以「We will make America great again」嘅戲劇性口號當選做咗美帝,呢一連串令人意想不到嘅事件,對西方甚至東方國家而言係震撼又係驚嚇。

奧朗德在位5年,法國高失業率絲毫未獲改善,大選前更有數據顯示有超過三百萬法國人失業,隨着大選落幕,馬克龍就算可以放下心頭大石,都要即時諗計拯救疲弱嘅法國經濟。近年法國頻遭恐怖攻擊,3年內總共奪走超過230人性命,掀起法國人對失業率、國家安全等問題熱切討論。

不過法國同布魯塞爾對馬克龍當選應該相當滿意,有德國媒體甚至認為現年39歲嘅馬克龍,係唯一可以幫助柏林堅守歐盟嘅法國人,隨着法國民眾對政治人物感到失望,情況其實同特朗普當選時好相似,馬克龍都係抓着大部分選民求變嘅心態,除咗贏得法國史上最年輕總統美譽之外,佢嘅勝出仲應該令到歐盟開心同放心,要數當中最大受益莫過於法國同意大利嘅銀行業,最直接受益就應該係歐羅,至於業務遍布歐洲嘅長和系,話咁易就當選最直接受益嘅香港集團。

現階段馬克龍嘅當選對英國嚟講,暫時未有太大回響,無論政府定文翠珊喺英國即將脫歐呢刻,應該會好煩同好忙,有分析指馬克龍傾向贊成英國脫歐之後,唔應該再享有任何只有歐盟成員國先可以享有嘅特權,佢好大程度會以此作為政治籌碼,更會善用呢個機會提振法國經濟,我諗文翠珊唔單只笑唔出,仲要係眼淚在心裏流。

法國係世界第五大經濟體,又係歐盟(EU)第二大經濟體,亦係全球最大軍事與外交強權國之一,行中間路線兼挺歐嘅馬克龍,競選時曾講過希望鬆綁經濟同深化歐盟整合,佢雖然認為目前法國只有繼續留喺歐盟,繼續用歐元先可以同中國、美國等國,喺全球競爭環節度保持競爭力,不過法國亦有民眾唔多like歐盟,馬克龍要爭取呢部分選民嘅支持,就承諾會向歐盟施壓希望佢哋改革,否則法國最終會有可能走向脫歐之路。金融市場先後傳出馬克龍會喺英國脫歐之後,致力強化巴黎嘅世界金融中心地位,至於佢對英國立場嘅態度會否改變就有待觀察,不過競選前同當選後嘅政治取態隨時會變就係不變嘅現象。

行中間路線兼挺歐的馬克龍,競選時曾講過希望鬆綁經濟同深化歐盟整合,不過競選前同當選後嘅政治取態隨時會變。