為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 12 日

古明華誓不抬頭

古明華(古佬)年過半百,今年已經五十有二,何況身為老竇,獨生女Tammi都十八、九歲,更加要樹立好榜樣,千祈唔好有乜不良嗜好、壞習慣。

不過,東姑早排就發現,古佬有樣小壞習慣,幾乎是都市人嘅通病,就係無論何時何地,都慣做「低頭族」,好沉迷落去玩住部智能電話。

好似早幾日,東姑咁啱搭港鐵撞到古佬,佢由尖沙咀站搭到去將軍澳,搭足十幾個站、轉足兩次車,佢都算十分之誇張,一路耷低頭玩住電話,完全進入忘我境界,甚至乎出咗閘,東姑仲見住佢一路行一路玩電話,個頭都未曾抬起過,連行街都唔睇路,認真「迷」得太交關喇!

古佬呢個誓不抬頭嘅「低頭族」,行出去街都繼續玩住電話,唔睇路。

 

古佬喺等車嗰幾分鐘,都把握時間,繼續耷低頭猛撳電話。

 

由尖沙咀去到將軍澳,十幾個站轉兩次車,古佬都一路玩住電話,如入無人之境。