為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2017 年 05 月 09 日

關慧玲

《東周刊》社長兼總編輯。

在鬼門關轉了個圈

遇見大企業公關M姐,她劈頭便說:「兩個月前幾乎死咗。」嘩,咁大件事?她猶有餘悸,話早前突然感到心悸,自量脈搏,好似跳少了一下,「即係你感到一、二、三、四……六,中間少了第五下。」她不明所以,問朋友,大家的答案乜都有,話佢工作壓力大啦、夜瞓啦、更年期啦等等。由於她身型偏瘦,一星期打三次波運動量足夠,以為不過是累了,或者年過半百精神變差,根本不曾有「自己有心血管病」的意識。

不久她有朋友因心絞痛入院,她去探他時八卦問下病徵,突然靈光一閃,自己係咪個心有事呢?朋友話不如去照吓CTScan啦,她於是去了。一照之吓,竟被醫生急召入院,原來佢左邊主動脈塞晒,影響分支血管不暢通,要立即通波仔,佢最初仲擔心個醫生係咪劏客,好彩最後都聽話入院。

手術完成後悠悠醒轉,醫生說:「你剛才差啲死,條血管塞得好厲害,枝針根本過唔到,我都嚇了一跳,好彩搞得掂咋。」她才知道自己死過番生。

所有同心血管毛病有關的習慣,她自問一個也沒有,也有定期驗身,唯一可能是膽固醇指數僅僅合格。一般而言,人體正常膽固醇指數為5.2,「通常指數接近6的人已在服降膽固醇藥,而指數5反而警覺性無咁高。」

醫生說,她這種平日無事無幹的邊緣個案很普遍,容易因過度運動或外在突然刺激而發病,危險度極高。她開始留意周圍,原來經常有人因行山、跑馬拉松猝死的新聞,不禁冷汗直冒,感恩上天畀她及早發現,否則唔知幾時輪到自己。

反思十年來的生活,份工雖然有滿足感但是極忙,不時做到半夜,有時亦頗動氣。經歷人生一劫,她說唔化唔得,點都要放慢腳步。依家她逢見朋友便講自己險死的經歷,提醒對方對身體再感敏一點,人過半百就去做檢查,希望幫得一個得一個。

猝離人世遺憾確是太多,只是時辰這回事誰能主宰?只能活好每一天吧。