出世同錢嘉樂餅印 細女愈大愈靚似湯盈盈
湯盈盈為老公錢嘉樂誕下兩女，大女錢凱晴（Alyssa）已經4歲，細女錢凱琪（Kassidy）亦即將在今年9月滿兩歲。Kassidy出世時同爸爸十足餅印，不過愈大愈似媽咪咁靚；大女就深得爸爸基因，似足錢嘉樂，兩姊妹各有各可愛。
話晒母親節將至，湯盈盈率先收到母親節禮物，仲攬實細女溫馨合照，晒親子手鍊，並冧爆留言：「母親和女兒之間的愛是永恆。」相中的Kassidy用手仔托住面珠，表情含羞答答，細細個就識放電，就連網民見到呢個Cute樣都讚返句「細女同你一樣咁靚女」、「好得意吖」。
細女Kassidy出世時同爸爸錢嘉樂倒模一樣。
Kassidy大個變得跟媽媽湯盈盈愈來愈似，相反大女Alyssa依然似足爸爸。
錢嘉樂、湯盈盈一家四口好幸福。
兩姊妹同樣趣致可愛。
