為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 05 月 04 日

票房報捷 劉德華想出山拍續集

由邱禮濤執導、劉德華擔任監製兼主演的電影《拆彈專家》上映以來至今,於中、港、台及星馬等地已衝破3億1千萬港元票房,昨日(5月3日)於尖沙咀舉行慶功宴,一眾演員姜皓文、吳卓羲及蔡翰億(Babyjohn)等出席。由於劉德華仍在養傷中未能現身,不過大會安排即場致電給他。華仔說:「我係劉德華,大家好!所有兄弟姊妹多謝晒。台前幕後手足花好多時間幫我宣傳,多謝晒!仲有導演,第日一定雙倍奉還,最開心勞動節大家勞動完就有開心嘅成果。唉呀,我都唔識點講,多謝所有入戲院支持嘅觀眾。」當司儀問到華仔有何說話跟在場的手足講,華仔謂:「我哋開第二集啦!」一眾演員即時開心得興奮大叫。司儀又叫華仔快返出來,華仔指一定會,聽到票房報捷也康復得快些。

連日來忙於到國內為該片不停宣傳的吳卓羲,指於南寧站謝票時,觀眾反應很好,他說:「有啲觀眾問我會唔會返無綫拍劇?但我話暫時講呢部戲為主,始終喺電視圈認識我,又問幾時拍《衝上雲霄》。」他表示未有聯絡劉德華,但對方有時傳視頻給老闆讓大家到不同城市宣傳時播放,又指希望在電影方面發展,突破自我,本月中則會拍攝網劇。」

姜皓文(黑仔)對票房表示開心,望票房繼續上升,又指搭建紅隧爆炸場面,有內地觀眾以為獲得當局批準在紅隧內拍攝,感覺好真實。Babyjohn笑指今次演出被內地觀眾封為「催淚漢」,因為大家睇得好感動,表示睇首映時沒有落淚,但第二次買飛入場睇就喊。他說:「睇完最開心發現地上好多紙巾,睇到個場濕晒。我覺得自己好變態,見到他們喊就開心。」

《拆彈專家》上映以來至今於中、港台及星馬等地衝破三億一千萬港元票房。

 

連日來忙於到國內為該片不停宣傳的吳卓羲,指於南寧站謝票時,觀眾反應很好。

 

Babyjohn笑指今次演出被內地觀眾封為「催淚漢」,因為大家睇得好感動。