為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 04 月 26 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

上下一心 傳承家族企業

最近工業股嘅城中熱話,可能係建滔(0148)集團買入國泰航空(0293),轉載張國榮兄阿Paul 喺業績發布會提到買入呢隻股票,主要係公司現金流無問題,國泰亦係一間非常好嘅航空公司,可惜做咗燃油對沖失敗而導致大幅虧蝕,佢話做生意要「貨如輪轉、隨行就市」,覺得如果油價上升時,公司可按情況增加票價,或燃油附加費而毋須做對沖,唔做對沖就一定有錢賺。阿Paul已經見過國泰管理層,但就唔知佢有無說服到國泰放棄對沖喇。

早於20幾年前建滔集團就已經開始北上國內發展,買入土地建廠房,先講建滔積層板(1888),覆銅面板業務連續超過10年穩踞全球覆銅面板市場嘅第1位,去年玻璃布等上游物料價格喺市場上因供應收緊而大幅抽升,覆銅面板售價因為咁多次嘅上調而令積層板盈利大增。同系嘅建滔化工亦受惠去年下半年原材料價格上升,令化工盈利錄得超過2倍升幅,兩隻建滔孖寶除淨後仲會派特別股息回饋股東添。

話說我從前做大福證券時,不時會同阿Paul喺唔同場合碰面,後來離開大福喺偶然機會下又再碰面,佢仲當場邀請我做獨立非執董(INED),當年離開大福我出嚟做獨立股評,為確保本身要持平同中立,我當時就婉拒咗阿Paul嘅美意,其實由以前到o依家,仍然經常有好多唔同行業嘅上市公司,不斷邀請我做佢哋嘅獨立非執董,但我心態始終無變,仍然堅守持平同中立呢個原則。

講開阿Paul當然要講下佢兩位公子,喺積層板做執董嘅張家豪,同喺化工做執董嘅張家成,加埋家族內好多嘅兄弟姊妹都喺集團幫手,負責唔同部門範疇,儘管工作崗位唔同,不過父子上下一心、兄弟姊妹同心,大家認真積極同為家族拼搏,秉承中國自古至今「家天下」嘅傳統文化,呢種父子、兄弟、姊妹間嘅團結精神係值得學習,雖然話建滔由家族管理,集團亦同時兼容「有能者亦可居之」嘅管理思維,請咗好多有能力又經營理念一致嘅外援。

近年國內地價不斷飛升,集團去年藉機沽出位於深圳龍華嘅地皮,幫公司套現33億元人民幣。建滔系除咗擁有國內優質地皮,同時亦收購海外優質物業項目,地產業務自然成為建滔系另一強大增長動力,要分析上市應該唔難。

建滔系不少管理層都是張國榮的家族成員,實行上下一心,一同為家族拼搏。