為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 04 月 22 日

二代煒業 鄧業煒

作為「星二代」,不一定要濃妝艷抹,像現年三十一歲的鄧業煒(Ellie),是已故「影壇大哥」鄧光榮的細女,性格爽朗健談,是位充滿陽光氣息的女性。

十六歲便獨自去美國生活的她,一直以為自己性格獨立,能處理大小事,直至六年前,其父親於無預警下,突然心臟病發離世。「我一直以為自己所有嘢都安排得好妥當,唔需要父母擔心。點知當突然失去最重要嘅支柱時,先發現自己原來咩都未識,例如安排屋企嘅事、同長輩嘅關係,統統都要從頭學起⋯⋯所以爸爸喺我心目中,真係一個好叻嘅人,無論事業同家庭,佢都安排得咁好,係我要學習嘅。」

〇九年她由美國回港,現任職可持續發展的工作,她坦言自己現時是家中的管家。「可能職業關係,我成日都會將環保掛喺口邊,亦係屋企嘅回收大使,幸好家人明白我嘅出發點,佢哋一直都好支持我,我真係好感恩。」

她身體力行,除了工作之外,每日也過着低碳生活,為環保出力。

 

與父親感情深厚的鄧業煒,當年得知父親突然離世,難以接受,經過兩、三年時間才能慢慢平復心情。

 

圓父心願

記得與鄧業煒首次見面,是在一個地產活動上,她性格爽朗,且十分健談。但據我所知,她甚少接受訪問,我就趁那次機會,上前邀請她受訪,怎料她一口便答應,促成了這次的訪問。

訪問這天,她並沒有打扮得花枝招展到場,只以一身簡約輕便的裝束示人,充滿陽光氣息。

對於一直甚少接受訪問的原因,她笑說:「因為由細到大,爸爸都唔鍾意我哋接觸娛樂圈,話(娛樂圈)入面好複雜,驚我哋學壞。所以細個佢嚴禁我哋去探班,唔想我哋發明星夢,就連佢拍嘅戲,我哋細個都唔准睇。

「記得第一次睇佢嘅戲,我已經係十幾歲。我哋細個只可以睇同聽教育意味重嘅嘢,因為佢係一個好注重教育嘅爸爸,想我哋讀好書,將來可以做個對社會有貢獻嘅人。」

對於父親突然在睡夢中離世,Ellie坦言至今心情仍未完全平復。「佢走嗰日,我喺公司做緊嘢,突然收到屋企嘅電話,真係好震驚!我已經即刻趕返屋企,但佢都已經走咗。當時我嘅心情真係唔知點樣平復到,始終發生得太突然,自己都未接受到。

「我一直覺得,自己係一個好獨立嘅女仔,因為我十六歲就一個人去美國生活,好多嘢都係自己安排。點知爸爸走咗之後,我先發現自己原來唔係真係咁獨立,有好多嘢我都唔識,無論係安排屋企嘅事,仲有同長輩嘅關係,全部都要學過。」

〇七年,畢業於美國哥倫比亞大學環境科學及政策碩士的她,獲父親鄧光榮、家姐鄧業炘及母親嚴珍納齊來祝賀。

 

鄧業煒表示可持續發展的項目,並不是捐錢和做慈善,而是要讓當地的人民改變生活,讓小孩接受教育,每一步也會影響到將來。