為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 04 月 23 日

禾懈柴鳳,禾早嘅三聽衣卯鳳,奶5奀着,懈奶嘅樹。 林敏驄

這條水蛇春咁長的大題,是林敏驄起的。本來接着還有兩句,可是,聽極錄音或錄像,都只是聽到「#%$^%&^)()@&^$」一堆如喃嘸的聲音,惟有放棄了。

無可否認,他的確是個鬼才,八十年代由音樂人家姐林敏怡推薦入行後,第一首為泰迪羅賓填的〈這是愛〉,便成了冠軍歌,令他就算出價十萬元填一首歌詞,依然門庭若市。

然後,他以搞笑形象站到幕前,在《獎門人》中玩接龍,一句:「蘇格蘭場非工業用國際線路十六哇佬風油軚垂直升降連鐳射洗衣乾衣腐蝕性氣墊毛筆一支」,大家笑足十多廿年的同時,他的填詞量和工作量卻每況愈下。

他形容,那些日子就如「瞓咗場晏覺」,一直到兩年前拍電影《全力扣殺》才「醒番」,「醒」到去年獲得金像獎「最佳男配角」提名外,更「醒」到今年六月初將會舉行他的填詞作品騷。

「o依家醒番,做到趴街!巧多嘢做,乜嘢都要禾做!禾又唔能夠假手他人,第二個做,又茅貢巧嘛!茅辦法,所有嘢都係禾做得最好嘅,喺禾手上都係手到擒來,隨時揮灑自如,茅其他人可以竄代!」他以其獨特腔口說。

招積?其實他起的這個大題,已經講到明了:「我係裁縫,我做嘅衫天衣無縫,你唔啱着,係你嘅事。」

 

 

醫佢身痕

林敏驄的填詞作品騷名為《今天星閃閃35年時日如飛林敏驄腦交戰作品展演唱會》,「係禾個團隊改嘅,佢哋計過數,呢個名嘅長度,啱啱好一張飛可以印得晒。」投資者之一,估不到是他多年的高爾夫球波友黎瑞恩。「禾諗佢係有少少身痕囉,有個錢就身痕o架啦,咪搵嘢嚟搞囉,計過條數,搞呢啲咁有意義嘅樹,先可以醫得好,所以佢咪搞囉。」

還記得兩年前,他宣傳《全力扣殺》時,曾表示想專注在電影圈發展。「雖然係貢啫,但禾都眷顧到眾生嘅聽覺享受,所以咪舉行演唱會囉!其實每隔兩、三年,禾都會開吓,當係一個普世歡騰嘅節日,畀大家聽吓啲熟悉嘅歌囉,有啲歌,(本來)唔記得咗,一聽就記番起,嘩!嗰種滾動真係……筆墨難以形容呀!」

雖然距離開騷只得個多月時間,但阿驄卻零緊張。「又唔係我唱,我只係坐喺櫃枱做收銀咋嘛,哈哈哈!」隨即收銀員上身笑晒口扮收錢:「thank you、thank you,多謝、多謝!」又指手劃腳:「喂!阿邊個唱兩支歌畀佢歎吓,哈哈哈!」(玩夠,繼續做訪問吧!)

 

 

兩場作品展演唱會的門票,已在網上被炒賣了。「貴嗰啲飛,唔靚位,都炒到八百幾,食水真係深呀!都唔係人嚟嘅!」

 

大海撈針

對他來說,相信揀歌應該是最頭痛的問題。皆因他八十年代已是炙手可熱的填詞人,至今作品已逾千首。「揀歌係好難嘅,真係大海撈針,好辛苦!點撈呢?要唱晒,根本係冇可能!所以基本上,今次我哋其實係嚟齋讀歌名,讀完啲歌名,都夠鐘(散場)囉,哈哈哈!如果唔夠長呢,禾改幾隻歌名,好長好長嘅,咁都可以讀幾日!哈哈哈哈!」(點呀喂?)

經典歌如〈夢伴〉、〈無心睡眠〉、〈愛的根源〉、〈幻影〉、〈深愛着你〉等,都是出自他的手筆,到時應該會出現在演唱會中吧!「要出現得喺呢個演唱會嘅歌,首要條件就係全部都係禾嘅作品!」(係人都知啦……)「茅錯啦!因為第二啲呢,級數唔同,係唔可以亂咁進入我呢個禁區、禁地嘅,禾呢個級數,巧特別o架!

「啲歌全部都係大家耳熟能詳,我哋唔使字幕,隻隻歌大家都會識唸,個個觀眾都會係禾嘉賓,個個跟住唱,識唱一齊唱,幾萬人一齊唱,好震撼o架!」但萬一有觀眾唔識唱……「我哋到時每個位,都會暗藏個咪喺度,你唔記得點唱,就會用嚟咪你個頭!」(夠啦吓!)

阿驄曾笑說,演唱會投資者之一的黎瑞恩是「大媽」,又說她暗戀自己。「總之就互相唔係好討厭咁囉,哈哈哈!」