為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2017 年 04 月 23 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

中台.迷人魔

張孝全同周冬雨,一位係台灣型男,一位係來自中國嘅金馬影后,佢哋唯一嘅共通點,就係啱啱上映嘅電影《指甲刀人魔》。二人喺戲中談情,係一大迷人亮點!

今次「Paco巨星飯堂」,就邀請到呢兩位重量級嘉賓,聯同電影嘅監製彭浩翔、導演關智耀同拍檔盛朗熙(Joy),去到位於九龍灣嘅「華星冰室」,品嘗地道嘅港式風味,暢談迷人嘅秘密。

中方代表冬雨(左)同台灣代表孝全(中),兩位都係影壇搶手貨,佢哋喺電影《指甲刀人魔》中首次合作談情,擦出火花。Joy(右)就喺戲中飾演具點綴作用嘅角色,值得留意。

 

暖男愛滑浪

今次係張孝全同周冬雨首度合作,冬雨盛讚孝全:「張孝全是我出道以來,見過性格最獨特的男人,還有就是他的身形真的非常棒!初初認識時,他非常寡言,我以為他是害羞,怎知道相處久了,他仍然是如此!不過我跟他熟悉後,也開始變得跟孝全一樣有內涵,學懂了沉默是金。哈哈!」

電影喺夏威夷取景,冬雨仲話因而愛上衝浪。「我跟監製一起衝浪,就會有無比的榮耀感,他學了七八節課,但我學了兩節就追上他了。」

相比起冬雨呢個BB班,孝全嘅衝浪level,早已達大學級。「因為我從19歲就開始衝浪,因此電影裏那些衝浪的戲份,都是親自上陣。在拍攝過程中,我都抽空到各個景點衝浪,能夠在這樣的好山好水的環境下,拍攝這樣有趣的題材,感覺很好!

「這次監製和導演都很年輕,我們沒有代溝,工作時狀況不好的時候,導演還會放音樂來娛樂大家,有幾場情緒比較重的戲,導演甚至會播放跟戲的狀態配合的歌,對我幫助很大。」

有「暖男」之稱嘅孝全,仲話自己同戲中嘅角色有啲相似。「我跟角色相似的地方,是我們都蠻容易相信別人,當然也試過信錯人。」

冬雨仲附和話:「我也特別容易相信別人,可能我是很簡單的人吧,幾年前我剛剛出道時,有一次跟一位記者說了一些秘密,我叫他不要寫進訪問中,他答應說一定會減掉,事後竟然原文報道,令我很難過。」

雖然男女主角今次首度合作,但孝全同冬雨好快產生化學作用。而冬雨嘅紋身造型,係每日開工前貼上,彭浩翔仲笑稱:「我叫佢真紋o架!佢話唔夠膽咋!」

 

我帶《指甲刀人魔》嘅Joy、監製彭浩翔、導演關智耀,同埋男女主角冬雨及孝全(左至右),去到位於九龍灣嘅「華星冰室」,品嘗最地道嘅港式風味。

 

乾炒豬扒意($42)係我嘅特別推介,點餐時記住叫多洋葱,更加惹味。

 

校長多士($25)係譚校長研發嘅黑松露芝士多士,特厚麵包嚟自餐廳自設工場,質素有保證;價錢又似足校長年年廿五咁,永不加價。

 

黑松露炒蛋($42),雞蛋嘅來貨隨住季節變化而有所不同,入口一樣嫩滑,加上黑松露嘅獨特味道,令人回味無窮。

 

影后冧湯水

現實中,孝全同冬雨都崇尚活在當下。冬雨話:「我是沒有夢想的人,因為很滿意當下、抓住當下。我最受用的一句話就是:『人生短暫,及時行樂。』」

孝全就表示:「其實夢想、目標並不是很遙遠,但我寧願先做好現在的事情。如果我有一個目標,若用時間去算是在3、5年後去達成,一定需要很強大的意志力,設定一個方向、一個框框給自己去努力、去堅持。」

夢想可能比較遙遠,講飲講食就會貼地啲,冬雨唔似得戲中角色咁,只食指甲鉗維生,反而最鍾意飲湯水補身。「我甚麼都愛吃,較喜歡酸、辣的味道,火鍋一定要吃麻辣的!我是北方人嘛。來香港我喜歡去喝湯,感覺好像很滋補的樣子。我還買了很多花膠回家煮湯,喝了對皮膚很好。」

孝全嘅口味就更加貼地:「我來香港最喜歡吃車仔麵,選擇很多。如果在台灣,我就喜歡去吃大牌檔,東西很好吃,氣氛也很好。」

冬雨話最欣賞孝全嘅健碩身形,而孝全就話冬雨為人爽直,互笠高帽。

 

孝全本身係衝浪發燒友,所以戲中嘅滑浪場口,都係佢親身上陣。

 

首次執導嘅Jason,喺拍攝現場特別緊張。

 

牛油多士、火腿煎蛋、牛肉湯通粉($40)係另一個港式味道嘅配搭。

 

不得不畀孝全同冬雨試嘅香滑奶茶($28),茶葉嘅來貨極為講究,以做出香滑效果。

 

紅豆冰($27)、蓮子蛋茶($28)嘅紅豆同蓮子,都係精選嚟自天津嘅頂級貨,味道特別濃郁。

 

玩樂夏威夷

電影搵嚟冬雨同孝全擔綱演出,導演Jason話劇本係為二人度身訂造。「孝全畀人嘅感覺係好sunshine boy;冬雨就好有『指甲刀人魔』嘅氣質,好適合飾演戲入面嘅角色。」

遠赴夏威夷取景,監製彭浩翔就話為電影注入更多活力。「淨係陽光與海灘已經令成隊crew唔同晒,而拍出嚟嘅畫面亦都好好。我除咗去咗學衝浪,都有同佢哋食好多夏威夷嘅地道嘢,孝全就最記得Loco moco(夏威夷漢堡飯),即係免治牛飯加兩隻荷包蛋。我就食咗好多扒,拍嗰兩個月仲肥咗好多。」

Joy喺戲中係孝全老友(台灣演員納豆飾演)嘅女朋友,佢話獲益良多。「除咗跟導演、監製學到唔少嘢,其實喺夏威夷拍戲嘅時候,又真係會relax啲,發揮會比心情緊張嘅時候好。」

Joy同劇組喺夏威夷逗留兩個月,除咗建立感情,佢仲深受當地風土人情吸引。

 

為咗部戲嘅質素,導演Jason(右)同監製彭浩翔遠赴夏威夷取景,佢哋對出嚟嘅效果都相當滿意。

 

牛油多士、火腿炒蛋、叉燒湯意粉($40),夠晒香港色彩。

 

煙鴨胸片焗肉醬意粉配臣意靚湯($65),即叫即焗,保證鮮味。

 

華星冰室
地址:九龍灣國際展貿中心2樓10號舖
電話:2667 7677