為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 04 月 24 日

陳惠敏畀女激親

舊年,一代武打影星陳惠敏畀兩位自稱三合會嘅成員,喺佢西貢嘅屋企追債,件事搞到近日要上法庭。最後,法官話陳惠敏因為前後口供唔一致,令被告無法入罪。

不過,呢件事完全冇影響到,陳惠敏同屋企人出外旅遊嘅心情。日前大約兩點,東姑喺機場見到佢同老婆及乖女,開開心心準備去旅行。出發前,一家三口先去嘆茶,一路上都有傾有講,笑容滿面,阿女陳鳳儀仲好細心幫媽咪攞大褸,又乖又細心,難怪早排傳出陳雅倫前男友、吳彥祖表哥Martin都對佢嗒糖。不過,喺臨入閘前,乖女突然同老竇意見分歧,父女都有自己想去嘅地方,搞到一家之主嘅陳惠敏有啲勞氣,結果阿媽同阿女自己行先,至於一肚氣嘅陳惠敏黑晒面,孤獨喺商店門口踱步。

原本一路上,陳惠敏都同身後的屋企人有講有笑,心情靚靚。

 

不過,臨入閘前,阿女突然同老竇分道揚鑣,搞到陳惠敏面燶燶。

 

陳惠敏指手劃腳,好勞氣咁叫阿女一齊行,但係陳鳳儀就當聽唔到。