為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 04 月 05 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

Rugby 7周末狂熱

欖球(Rugby)運動源自英國嘅欖球學校(Rugby School),香港七人制欖球賽首屆邀請賽係1976年3月28日喺香港足球會舉行,由香港欖球總會向多個國家嘅欖球會發出邀請,後嚟主辦單位希望七人制欖球賽可以畀多啲人睇到,1982年嘅賽事就搬咗去香港大球場度舉行,之後因為想容納再多啲嘅觀眾,喺1990年代初香港大球場嘅看台為咗擴大容量而重建。

香港國際七人欖球賽(Rugby 7),喺整個連續三日嘅賽事度,作為東道主嘅香港可以提升國際知名度,更重要係呢個一年一度嘅體育活動,就好似不可或缺嘅香港節日咁,係香港以至全球其他城市欖球迷引頸以待嘅盛事,適逢其會今年係欖球學校450周年嘅誌慶, 為咗隆重其事,其中一項慶祝,會以傳球形式走遍世界總共450個地方,2017國際七人欖球賽仲被選中做其中之一嘅傳球點。

每個球迷喺入場前例必會被保安搜查跟身嘅隨行物品同袋,嚴禁樽裝水同私帶食物飲品入場,咁做係要保障場內投咗標嘅餐飲檔,亦當然希望球迷盡情喺場內消費,各式各類嘅餐飲包括有酒精嘅啤酒,每日由開場到完場都有供應,值得一提係正版又係合法銷售,印着唔同地方欖球標誌嘅波衫同各式各樣嘅商品,總之大部分嘅生意喺呢三日都做到無停手。

如果你曾經參與過七人欖球賽嘅活動, 一定知道喺賽事當中會加插一節迷你音樂會,星期日晚完場前大球場嘅上空更會爆放迷你煙花,喺場內大家嘅耳仔同眼仔都好忙,加上有打扮性感嘅女球迷,又有着奇裝異服嘅男女球迷,置身其中與眾同樂,熱情嘅球迷,高漲熾熱嘅氣氛,喺周末嘅五、六日瀰漫着整個香港大球場,呢項賽事根本就係適合一家大小,體育娛樂兼而有之嘅家庭節目。

好多外資企業同投行其實都鍾意趁呢個活動同客戶聯誼,包廂內不斷供應各式各樣嘅餐飲同小吃,備有多款印著企業商標嘅紀念品任君自取,藉着包廂睇波招呼本土同嚟自世界各地嘅客戶,管理層同銷售部同事可以自娛,仲隨時有機會傾埋生意做到deal,紀念品又幫到公司賣廣告,呢筆企業營銷預算可以話好抵用。

置身七人欖球賽,大家嘅耳仔同眼仔都好忙,有打扮性感嘅女球迷,又有着奇裝異服嘅男女球迷,盡情投入高漲熾熱嘅氣氛中。