為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 03 月 29 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

「快樂」緣起

快樂可以好簡單,係一種當感受良好時衍生出嚟嘅情緒感受,快樂更可以係不知不覺間、隨時隨地、兼可以喺好短時間內就發生嘅微妙情緒反應,每個人嘅快樂比較屬於個人,喺某程度上亦不盡相同。聯合國喺2012年就已經開始發布嘅《全球快樂報告》(World Happiness Report),主要係希望以量化各國快樂嘅程度,去影響有關政府嘅社會民生政策,快樂嘅評分標準包括國內人均生產總值、預期健康壽命、社會支援、人生抉擇自由、貪污問題等六大社會因素。

喺剛公布2017年快樂指數嘅報告,北歐國家挪威取代丹麥,成為全世界最快樂嘅國家。而全球最快樂嘅國家當中,前五名又都係嚟自歐洲,大家同我都可能會諗,點解呢啲富裕先進嘅國家相對比較快樂,唔通資源多啲就真係會令人快樂啲,不過睇番美國今次喺西方大國中快樂僅排第十四,就好似想話畀我哋知國家富強、人均財富多寡,未必一定同快樂成正比,不過我可以好肯定知道幸福唔係必然。

翻查聯合國同相關嘅新聞資料,也門、尼日利亞、南蘇丹、索馬里呢啲國家時不時都會因爆發內戰,導致數以百萬計嘅人流離失所,食物斷絕、物資供應唔穩定,仲不時會受到饑荒威脅,呢啲國家喺今次排名報告中墊底,大家都應該唔會覺得奇怪,國家有內戰、政治又唔穩定、國民收入亦唔平等,就好自然會導致呢啲國家裏面嘅人際關係、同國民身心唔健康,最慘就係呢啲唔好嘅事又多數會發生喺較貧窮嘅國家度,負面情緒升溫就好自然影響當地人嘅快樂指數。

香港排名喺今次報告度升咗四位去到第七十一,中國內地就排第七十九,其實好耐以嚟,香港都好廣泛被叫做福地,唔好話內戰、基本上連天災都好少。不過話雖如此,近年香港又確實相繼出現咗好多唔同層次嘅社會問題,好多人包括我哋嘅幾位特首候選人,喺最近都經常熱切討論撕裂呢個問題,唔理係撕裂1.0抑或撕裂2.0,要改善撕裂呢個問題,我希望佢哋唔好淨係得個口講,要有實際行動。

當然,亦有賴廣大市民一齊去支持同面對,問題有咗共識先可以慢慢解決,社會就先可以慢慢互建共融,市民嘅生活素質更有可能因為咁有所提升,係咪好值得我哋深思同積極探討下一個有效嘅解決方案,令香港進一步提升快樂。

全球快樂指數位於前列的國家,不少是位於北歐,大部分都是比較富裕,社會資源比較豐富。