網友說，太陽集團主席周焯華有型靚仔，這趟首次跟其子周柏豪（Pak H.）見面，難免會將他與其父作比較。現場所見，雖然廿歲的他，外形和衣着都不及其父「型仔」，但說話爽朗，而且生意頭腦亦甚有乃父之風。周柏豪十七歲在英國留學時已創業，以200英鎊賺取其人生第一桶金，其後更索性放棄升讀大學，回港創立名為「WOW」的手機應用程式，建立屬於自己的事業。

「起初全家人都反對我做呢個決定，個個都叫我繼續讀書，尤其係我阿爸，但後來佢見到我好認真咁去闖自己嘅路，最終佢都好支持我。」不用網友下判斷，從周柏豪眼神中的堅定，就知過人意志，才是真•型仔之道。

仍是單身的周柏豪，對於擇偶要求是：「咩國家嘅人都OK，但一定要做事有熱誠，同我溝通得到。」

因父之名

生於澳門、現年二十歲的周柏豪，背負着其父周焯華之名，外界如我也難免認為他受父親影響最深，但他卻笑說：「我自細就好少同佢（周焯華）接觸，因為佢成日要返工，我係由嫲嫲同姑媽湊大，大個啲我就去咗英國讀書。o依家我星期一至五自己喺香港住，星期六、日先會返澳門同屋企人食飯。

「不過，我喺佢身上學到做人一定要積極、夠膽，仲要主動爭取自己想要嘅嘢。我記得八歲嗰年，老竇帶我去遊樂場玩，當時我好驚坐過山車，佢就逼我一定要玩，仲話：『做男人一定要夠勇敢！你過山車都唔夠膽玩，將來點做大事呀？』最終我當然畀佢逼咗上車，自此我就唔再驚玩呢啲機動遊戲。」

對於父親身邊的兩位女人，周柏豪曾在IG為「洗米嫂」陳慧玲（Heidi）諷刺Mandy Lieu「講嘢直接啲」，訪問當天，他大讚「洗米嫂」，還解釋在網上向Mandy開火的原因。「Heidi好nice，我同佢係好好嘅朋友，同時亦係一家人。我同佢乜都講，冇代溝！至於Mandy Lieu， 其實唔關我事，所以我唔使做乜嘢judgement。只不過當初我睇到網上嘅新聞，係屋企人睇到都會唔開心，我未見過Mandy，我一心只係想屋企人好同埋開心。我家庭觀念比較重，而且亦都唔輪到我去話接唔接受。」

他坦言，現時兩個妹妹才是自己最愛錫的家人。

周柏豪不時都會上載與家人的合照於IG，大晒溫馨，早前他就上載其父周焯華和姑媽Candy的兒時照片上網。

第一桶金

周柏豪雖坦言與父親甚少溝通，但父親對他還是疼愛有加。為了讓兒子有更好的教育，當周柏豪十三歲時，其父便決定送他到英國留學，但當時他對讀書並沒有太大興趣，反而萌生了他的創業夢。

「記得我十七歲嗰年，有一個商科老師同我講，佢一直都想學生試做『學生優惠卡』，向不同嘅商店爭取折扣，不過十幾年嚟都無人敢冒險。我聽咗之後，覺得好有興趣，於是就即刻寫計劃書，同另外兩個朋友各自夾咗200英鎊（當時匯價約港幣2,500元、下同）做，好快我哋就搵到六十幾間商店參加。

「之後我就以一張卡10英鎊（約港幣125元）賣畀啲學生，眨吓眼就賣咗八百張，賺咗8,000英鎊（約港幣10萬）。當我見到商店門口貼咗我哋張優惠卡嘅貼紙，表示憑卡有優惠時，我真係好開心！因為我做到啲影響，自此我就發現自己嘅人生大志，就係要創業！」

不過很快，周柏豪已嘗到人生第一次失敗。「我賣出八百張卡，賺到8,000鎊，都只係得八百名學生可以用，其實影響力唔大。」於是他拿着手上的8,000鎊，把優惠卡轉型為優惠app，改為向商店收錢，免費給學生下載，惜如意算盤未有打響，因商店不願付年費賣廣告。「當時我每日放學後都親自落town，逐間商戶去敲門，有畀人拒絕，亦有畀人鬧過，最後只係傾到二十間舖肯同我哋合作，但嗰時我又要做功課又要考試，根本兼顧唔到。」

慶幸後來有商業網絡公司看中其app的學生資料庫，並願意用20萬英鎊（約港幣250萬）買下來，才讓他賺得人生第一桶金。

父親周焯華大受女性歡迎，但講到追女仔，周柏豪笑言：「唔使佢教！」

家庭觀念甚重的周柏豪，一有時間就會陪家人出海暢泳，他曾在IG上載與Heidi、父親周焯華及妹妹乘坐私人遊艇出海的照片。