為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 04 月 01 日

咪神變神婆 歐陽巧瑩四大預言

一三年落選港姐歐陽巧瑩,加入無綫主持《三日兩夜》等旅遊節目,因身材出眾而被人留意,更獲封為「無綫新一代咪神」之一。

雖然,她擁有天賦的「人間胸器」,但卻拒絕被定型做性感尤物,近來積極轉型做「神婆」,並揚言擅於以風水結合星座,成功推算運程。而蔡思貝、劉佩玥等新一代花旦,更是她的擁躉,看來麥玲玲有勁敵喇!本刊請她為電視界當時得令紅人算一算,她作出四大預言:鄭嘉穎與陳凱琳今年結婚、黃宗澤有機會撻着李佳芯、吳業坤事業跌watt,以及麥明詩三十歲後,始能遇上真命天子。

歐陽巧瑩轉型做「神婆」,公開接受本刊考驗,預言當今電視圈幾大紅人的感情生活和事業發展。

 

拒行性感

現年二十四歲的歐陽巧瑩,因為有fit爆的body,而被網民封為「無綫咪神」;不過,她骨子裏卻是個大情大性之人,除大方公開與木偶哥林師傑拍拖關係外,又「封胸」拒賣弄性感,絕不志在被塑造成「女神」。原來,她擁有另類本錢,真人不露相;自幼已對玄學有濃厚興趣的她,自學睇書而成為專家,並尤其擅長於風水和星座。據悉,她曾為蔡思貝睇風水,又曾幫劉佩玥睇運程,圈中友好皆知道她是「神婆」,有需要時都會找她占算吉凶。

近日,無綫新推出資訊頻道「Big Big Channel」搵KOL(Key Opinion Leader,意見領導者),歐陽巧瑩即舉手自薦,主持星座、風水結合扮靚、化妝的節目,她解釋:「雖然人哋叫我咪神,但我自己唔想被定型,好似好多時助導打畀我,都係叫我客串劇集,要有性感演出,自己唔係咁想,都想有啲新嘅方向。何況TVB身材好嘅女仔咁多,做節目好過我嘅又好多, 所以都要諗下點突圍而出。」

歐陽巧瑩雖然身材出眾,被網民封為「無綫咪神」,但她拒行性感,又大方公開與木偶哥林師傑的戀情。

 

拉埋天窗

雖然,她坦言自己資歷未必及得上一些著名玄學家,但勇於接受本刊挑戰,占算幾個電視紅人,並大膽對他們的感情和事業作預言,日後「fact check」便知龍與鳳!

首先,鄭嘉穎和陳凱琳(Grace)這一對, 歐陽巧瑩預言兩人好大機會今年拉埋天窗。「八月十五號生日嘅鄭嘉穎係個好渴望擁有自己家庭、渴望愛情嘅人;而Grace又係好戀家,好鍾意小朋友,好想有自己安樂窩嘅人,所以呢方面佢哋好同步。而且Grace係一個認為另一半好叻、好有才華,會當偶像咁崇拜嘅人,鄭嘉穎獅子座就係典型嘅大男人,要另一半服從佢、聽話,佢哋一凹一凸,十分配合大家。加上鄭嘉穎屬雞,今年係佢本命年,易有大事發生,今年又係雙春兼閏月,所以我好睇好呢一啤,今年會有好消息公佈。」

另外,黃宗澤(Bosco)現時與日本女模Jun發展異地戀,歐陽巧瑩竟大膽話不太睇好男方的愛情可以長久,「黃宗澤係一個叛逆嘅人,諗嘢比較異於常人,會估佢唔到,加埋火爆性格,會嚇走身邊女士,或者因為頂佢唔順而離開佢。」她續指,現時無綫之內,單身而又配合得到黃宗澤條件的,便是小花李佳芯(Ali),「兩人都係人馬座,思想同步啲,都係追求獨立自主嘅生活,會冇咁大壓力。同埋,Bosco鍾意高瘦嘅女仔,鍾意人安靜,喺思想上交流到;而Ali係成熟又聰明嘅人,即係Bosco鍾意嗰類有腦嘅女人。」

至於,自認「偽毒男」的吳業坤,歐陽巧瑩提醒對方最好遲婚,因為他情路崎嶇爛桃花多,不如專心工作。「坤哥個人係需要新衝擊,先有進步,先有好狀態,所以事業都好易似煙花一爆完之後,一閃即逝,後繼無力。所以要小心啲,就算冇新挑戰、冇新衝擊,都千祈唔好放軟手腳,要keep住當初嘅勤力,先會有收穫。」

鄭嘉穎和陳凱琳都嚮往家庭生活,歐陽巧瑩預言兩人今年內有機會拉埋天窗。