為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 03 月 27 日

道 姜皓文

居合道,又稱拔刀術,乃日本古代武士的防範武術,技法在於一擊必殺、快而準的拔刀瞬間,以精神修練著名。

跟黑仔姜皓文做訪問,猶如在體會着他的演技:時而靦腆,時而興奮,時而擔憂,他的表現和情緒,全程也隨着不同的傾談內容而轉變。然後,他穿上居合道袍、手持武士刀,依着指導擺出不同姿態,但見他眼神一轉,彷彿又變成了另一個人。

情感層次豐富如此,難怪他在今屆金像獎中,憑《樹大招風》首次獲提名「最佳男配角」後,網民一致在社交網留言力撐。「我冇諗過咁多年嚟,原來有咁多人一直等緊我今日(獲提名)嘅出現!」說時他雙眼閃爍,一臉感激。

事實上,外界早已公認他是個好戲之人,但他卻謙稱,自己只不過是經歷夠多。「我啲戲其實唔係咁好,只係啲角色同我嘅人生一樣咁癲,我將啲真實感受擺番落去個角色度咋嘛。 」他苦笑地道。

小時候住過兒童院,未成年已半工讀做三行裝修、廚房傳菜,繼而玩雜技走江湖;八六年參選「電視先生」入行後,效力了亞視十三年再跳進大銀幕,由客串做起,經過十多年努力,他終於賺了個「綠葉王」美譽……

如果,這就是他奪得金像獎「最佳男配角」的修煉之路,相信黑仔也會認為很值得。

 

 

 

 

 撐

老婆和親朋戚友會戥他高興,理所當然,而網民的反應,則令黑仔感到驚喜萬分!「如果話被大家公認、肯定嗰啲,就一早已經有,但我唔知個程度去到邊。點知我睇到啲網民留言,愈睇愈撩到我,窩心到不得了!原來我做咗咁耐嘢,外面真係會有班人戥你緊張、肉緊過你,真係好安慰、好感動!」但見他一雙大眼睛,此時有點水汪汪。

更叫他感意外的,還有傳媒朋友。「最近好搞笑,有啲平時個樣好cool、好惡嘅記者行家,竟然會主動走埋嚟,笑晒口恭喜我,仲話佢哋都鍾意睇我啲嘢!因為咁多年嚟,我出席啲公開場合,啲傳媒要搵人做訪問嗰啲,都好似對我冇乜興趣,冇乜嘢同我講,唔係咁關注我咁,但係o依家佢哋有呢啲舉動,真係令我安心咗好多!」

其實早在數年前,他亦曾期望過有機會被提名。「嗰陣好多人同我講:『今年你呢部戲得喎!』令我好上心。」結果落空。「初初都有啲失望o架,後尾冷靜番都覺得,可能仲未係時候啦,咪繼續做好啲囉。

「以前谷峰話:『等囉!實有o架!排吓隊囉!』但我覺得(被提名)個門檻幾高,撞到一部好嘅製作、好嘅角色,人哋又鍾意,又會入到圍嘅,真係幾難!」

黑仔說,有時他會因為一個角色,影響了個人情緒。「試過有次,我個幾月都好情緒不穩,連我老婆都叫我去睇醫生!」猶幸金慧英曾做過幕前,十分體諒丈夫。

 

在《樹大招風》中,黑仔飾演的「大輝」,全程跟林家棟做對手戲。「家棟係個超級冇得頂嘅對手!佢事前會畀好多意見我,照顧晒所有做嘢嘅人。」