為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 03 月 24 日

智者100% 鄧智偉

愛,可以令悍將變成暖男。「林峯御用音樂監製」鄧智偉,與宅男女神高海寧秘戀四年,早前被本刊影到二人同居斷正,他帶笑扭擰說:「佢係好女仔,心地好好,前幾年喺我人生低潮時,就算冇高薪厚職,佢都對我不離不棄,支持我。我會稱之為我好愛嘅人,我會非常珍惜同感恩。」

四年前,身為大台音樂總監的鄧智偉,因人事鬥爭,決定賠錢辭職,之後與好友音樂人莊冬昕合組娛樂公司UNLSH,花了兩年時間,精心培訓新人,終取回主導權。「當年將我最好嘅歌同創作,無私咁攞晒出嚟,但當我離開公司,嗰間公司的藝人嘅成績同成果,可以一夜之間同我完全冇關係,將最好嘅歌放喺人哋度又點?好唏噓,人情冷暖,o依家所有嘢要放喺自己雙手。」

對愛、對工作,鄧智偉也100%投入,對人生,他也要100%掌握。

 

 

講不出聲


訪問當日,四十歲的鄧智偉將頭髮半掩一隻眼,出力擺出「Chok甫」,攝影師要求他將頭髮稍稍移開,他不情願地說:「今日我想以音樂人形象見人,係要用頭髮遮住塊面,做番鄧智偉。呢幾年,我分心去做生意,做生意人時,我會變咗另一個人,會刻意將頭髮撥開晒,仲會着得後生啲。」

除了頭髮,他與女神高海寧發展「地下情」四年,二人設法遮蓋,但早前被撞破同居,有指他不批准高海寧公開戀情,他卻申冤說:「點會呢?無啲咁嘅事!佢係好女仔!若果有朝一日公開我嘅感情生活,我會用一個最特別嘅方式!我打造一個新人都用咗兩年,公開拍拖都要三至五年時間,要達到一個成功嘅位置,至會諗結婚。」

至於擇偶的條件,首要是否身材好?鄧智偉笑說:「呢個係大家對我嘅太大誤解,絕對唔係!有嘅係⋯⋯天意!最重要係人好,溝通到,其實我鍾意《那些年》,裏面嘅純潔好靚嘅姐姐。我細個係鍾意廣末涼子嗰類,唔係考慮身材。高Ling心地真係好好,前幾年喺我人生低潮時,冇晒喺TVB嘅小輝煌,佢對我不離不棄,仲支持我,相信我會做得到。當我無咗高薪厚職時,好多好朋友會一夜之間消失,我好清楚,呢個人(高Ling)無(消失)。」放手,原來擁有更多。

鄧智偉同高Ling秘戀四年,患難與共,感情昇華,結婚大概是遲早的事。

 

六年級時,他代表學校參加全港校際音樂比賽,因在台上搖櫈而罰停賽致落敗,學校給他機會在全校同學前表演。

 

四歲開始學琴,當時家境清貧未能買鋼琴,他初學時,就用這個玩具木琴練習。