為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 24 日

陸永搏命揾錢養家

一一年,陸永權(陸永)奉女成婚後,大女陸一穎(Hannah) 眨吓眼已經四歲,而細女(Sim Sim)都成三歲。舊年, 陸永就被揭搬到去月租三萬、一幢三層高嘅將軍澳豪華村屋,畀老婆同兩個女一個六星級嘅家。早前, 佢再答應兩個女養多隻狗「豬吉」,連埋要養老婆架mini cooper,一個月開支都唔嘢少!好在佢近年,人氣旺盛,接job接到手軟,有指佢舊年半年都搵過四百萬。前排,佢又同人夾份搞美容院同兒童教育中心,為咗頭家,努力發掘財源。

隨後,工作人員就向陸永射水,佢即時凍到縮埋個頭;拍咗幾take後,陸永仲乸埋口面,未知係劇情需要,定係凍得滯?

日前,東姑去電視城巡廠,咁啱撞正陸永拍緊新劇《抱佣情人》。當日,劇情就講任職會計師嘅佢,畀「孖生阿哥」楊明老點去買外賣,但不幸遇着大雨,結果淋到成身濕晒。東姑見陸永一埋位,先開咗把遮快步行,跟住工作人員就向佢兜頭射水;之後,佢仲要狼狽到跌遮添。最終,佢來來回回都拍咗成六、七個take先掂, 加上氣溫得十七度左右,東姑睇見都覺得心寒呀!

事後,陸永咳咗幾聲,再同東姑講:「頭先我又唔係好凍,有遮吖嘛,又有着羊毛底衫,總共着咗兩件,但冇黐暖包。唏!我都拍過好多次(濕身戲)喇,全套冷衫跳落水都有呀, 呢個已經係最輕鬆,重有遮添,咁鬼好。」臨尾, 佢又話打算今年底同C君開演唱會。咁搏命搵錢養家, 東姑都感動到眼濕濕呀!

呢排做到冇停手嘅陸永,日前,終於可以陪細女SimSim食雪糕,培養吓父女感情。

 

有份喺兒童教育中心做導師嘅陸永,早輪叫埋大女Hannah(右)同細女SimSim(左)上堂學畫畫,返工之餘又可以見多啲兩個女,有計!

 

早排,陸永又帶埋一家大細去海洋公園,齊齊摸海豚共享親子樂。