為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 22 日

關淑怡慨嘆活得像雕像

最近鮮有露面嘅關淑怡,上周四(十六日)喺大嶼山愉景灣一間酒店,被指涉嫌刑事恐嚇及襲擊餐廳職員被捕,當時有人出言︰「信唔信我攞刀斬你?」

事後,關淑怡獲保釋候查,當晚返回涉事嘅酒店;期間,佢遇到記者追訪,表現激動,更出手推鏡頭。新聞多多嘅佢,又傳出租住嘅服務式住宅欠租,搞到酒店下逐客令,可謂屋漏兼逢連夜雨。

東姑呢幾日都有到酒店守候,但冇見關淑怡嘅蹤影。避見傳媒嘅佢,只留喺房間,反而有疑似律師嘅兩男一女,一度上樓搵佢,傾咗約兩粒鐘先至走人。

其實近年,佢都怪行連連,繼一四年,突然喺社交網自爆囝囝生父係不丹活佛寧波車外;去年十月又離奇墮海,而佢就否認係自殺。無論點都好,東姑都希望佢冇事,重踏舞台,唱多啲好歌畀粉絲聽啦!

被指涉嫌在酒店餐廳鬧事嘅關淑怡,又傳因欠租,被酒店迫令退房。據悉,佢近日留守喺房間內,拒絕離開,酒店都冇計可施。

 

雖然關淑怡冇現身,但佢依然活躍喺社交網,並用英文留言,大意:「有人活得像雕像,麻木無情。有人活得好充實,又精采……」。

 

關淑怡喺○二年誕下囝囝關浚賢﹙右﹚,轉眼間已經十五歲;而羅明珠在生時,亦有同佢哋兩母子相聚。

 

一四年,關淑怡跟六呎猛男李佳念,以情侶裝十指緊扣現身活動,但事後,佢話與對方只係朋友關係喎。

 

現年五十歲嘅佢,上年七月仍公開大晒泳衣照,信心十足。