為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2017 年 03 月 22 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

緣來有線

九龍倉(0004)公布二零一六年業績,同時宣布已經中止出售有線寬頻嘅商討,並全面撤出通訊、媒體及娛樂業務。其中九倉電訊已經喺舊年十一月以九十五億賣盤,對於餘下嘅有線寬頻,九倉已表明不再延續資金承擔,雖然旗下免費電視將如期開台,但有線電視部分就前途未卜。

講起有線電視,好多人最欣賞嘅係佢嘅新聞,而我亦借呢個欄讚下我在英皇書院嘅師弟趙應春,佢喺一九九三年同羅燦一手開創香港第一個二十四小時新聞台,係香港電視新聞廣播嘅一個里程碑。而同金融業最有關係嘅,就係有線首創嘅財經台。

陸叔與有線的緣份已前後近二十年,九三年一開台已為有線做財經節目。(相片來源:有線電視)

我同有線嘅緣份亦由一九九三年開始,因為電視台開台一、兩個星期後,我就開始每周做一次《十點有線財經》直播。當時我並唔係喺有線總台做節目,而係到佢哋設在舊天星碼頭嘅直播室,對住部攝錄機隔空同鄺月仙對談。嗰陣要勞煩我太座每星期一晚車我去做節目,一做就做到一九九八年。 

後來我喺二○○○年離開大福證券成為全職股評人,第一個搵我開固定節目嘅電視台亦係有線,當時節目叫做《投資全攻略》,喺財經台(早期叫新聞二台)播,一做又成十年。我記得當時節目星期六晚播,因為要貼市,所以逢星期六早上錄影,風雨不改。前後近二十年緣份,所以我對有線電視真係特別有感情。

講真,有線電視嘅廣播模式並唔係新事物,想當年麗的呼聲都係有線廣播,要畀月費至有得睇,後來TVB嘅無線廣播將麗的淘汰,而有線電視嘅出現又對無線構成競爭,到