為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 22 日

羅天池真係好抽得

〇一年加入無綫嘅羅天池,憑住《愛•回家》阿登一角入屋;不過,佢一五年就選擇離開向外闖。而現實中,佢原來係一位武林高手,精通泰拳、飛刀等等功夫,而佢嘅學武天份亦奇高,學咗一年巴西柔術,就已經喺比賽攞冠軍。

雖然羅天池做咁多劇烈運動,需要肺活量驚人,但係佢一樣冇有怕,照樣係咁狂煲煙。日前,東姑就喺筲箕灣東大街見到佢,同一位餐廳老闆企咗喺路邊一面吹水,一面煲煙,仲擺出一副好享受嘅尊容。東姑睇番佢Facebook嘅頭像,原來都係手執煙仔嘅造型,唔知佢抽拳勁,定抽煙醒呢?

佢嘅Facebook大頭相,以食煙而自豪。

 

好鍾意玩劇烈運動嘅羅天池,其實需要肺活量驚人,但係佢都係煙不離手。

 

我行我素嘅羅天池,見到東姑喺對面馬路望實佢食煙,一於少理,繼續狂抽。