為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 17 日

郭富城蒙面拖女出巡

郭富城公開同內地嫩模方媛(Moka)相戀,眨吓眼已經兩年。早排,Moka就喺微博上載凸肚照,仲寫埋:「有沒有發現我有一點小變化呢?」令人不禁聯想佢係咪有咗呀?

日前,城城就解畫話,女友只係覺得自己瘦咗,所以想問吓大家睇唔睇得出啫。喺一四年,佢就曾經話想努力工作,唔諗結婚、生仔;不過,佢最近又突然改口風,表示自己年紀唔細,話希望盡快有自己嘅小孩喎。

難怪,城城近日就不停被人野生捕獲同Moka喺香港周圍逛。日前,東姑去合和中心食飯,咁啱都見到城城同Moka去攞車;仲發現佢兩個真係好奇怪,每次出街都係帶埋同一款嘅口罩,仲會戴番頂帽,低調得嚟,其實好搶fo,再加埋佢嗰架「暴風」林寶堅尼,想人留意唔到佢都難啦!

其實,城城同Moka戴口罩都冇用,次次佢兩個都係咁嘅款出巡,遠距離都已經認得啦!

 

再加埋呢架差唔多五百萬嘅林寶堅尼,點樣可以唔搶fo呢?