何超蓮百變金魚嘴

講到鄧紫棋（G.E.M.）大家會諗起乜？強國？宇宙漿？東姑就會諗起金魚嘴，曾經有多人問G.E.M.點解咁鍾意嘟金魚嘴，扮可愛抑或嘴抽筋？佢亦都有解釋過：「因為初戀男友好喜歡用呢招認識女仔，所以拍拖之後，我好認真每日都學金魚嘴畀佢睇。」講真，G.E.M.用呢招都冧死唔少男粉絲。

好多人都知道G.E.M.同何超蓮情同姊妹，成日糖黐豆，所以愈睇佢哋就愈似樣。早前，超蓮喺微博玩直播，當然係用國語同強國粉絲溝通啦！之後，佢又不停嘟金魚嘴。東姑睇咗好耐，國語加埋金魚嘴，愈睇愈似G.E.M.，不過始終都係超蓮可愛啲。因為佢一分鐘可以做出十幾個表情，古靈精怪，真係畀佢冧暈！

金魚嘴係G.E.M.嘅標記，身為佢好姊妹嘅超蓮，有樣學樣。

超蓮喺微博玩直播，用國語同強國粉絲溝通又嘟金魚嘴，東姑差啲認錯佢係G.E.M.。

做功課做到悶悶啲，超蓮又嘟金魚嘴放上網同粉絲分享，兼且輕鬆一下。