黃智賢艷福不淺

黃智賢擔當「男一」嘅《親親我好媽》收視同口碑一樣不俗，人逢喜事精神爽，上周喺上環開拍新劇《雜警奇兵》中，佢就有一場跟對手黃智雯當街攬攬嘅戲份，可謂艷福不淺。

劇中二人同是飾演雜警，扮有身孕嘅黃智雯跟上司黃智賢有感情戲，當晚拍攝一場男方向女方嘅表白戲，黃智雯感動得向黃智賢送抱回應。雖然只係簡單文戲，但係佢哋都好認真，先跟導演研究完至埋位，所以拍兩take就大功告成。

不過，東姑望下隻表，原來已經凌晨十二點，由於有幾個女粉絲在場等足成晚，黃智雯都留低同佢哋傾偈及拍照十五分鐘，繼而再上公司車；唔好以為佢收工，原來仲要返電視機拍廠景。相反同場嘅黃心穎同C君，拍完一場撞人戲就收工，輕鬆得多！

黃智賢主動趨前送抱，黃智雯立即以雙手攬實，場面感人。

等埋位期間，黃智賢歎咖啡玩手機，至於最近同馬國明傳撻着嘅黃心穎，則笑晒口，心情勁靚。

黃智賢帶領黃心穎同C君出外查案，期間，黃心穎雖然撞跌人，但佢反而霸氣十足。