為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 15 日

方力申37歲的大細路

方力申(小方)啱啱過咗三十七歲生日,佢之前話冇乜值得慶祝,最重要係仍然可以一口氣做到廿下引體上升喎,咁生日願望又係乜?小方話:「希望事業順利、做多啲自己想做嘅事。」最近,佢就同洪天明等人合作,推出以健康為主嘅運動健身產品同食品;事業有新發展,至於感情呢?小方同東姑講最初諗住搞生日派對,順便叫老死介紹啲「新朋友」畀佢認識喎。大家想知最後小方係點過生日?等東姑話你知啦!

小方生日正日嘅中午,東姑喺天后附近嘅一間果汁店見到佢啱啱做完運動,同兩名男性朋友,一齊買咗杯果汁,企係街邊一面飲一面傾偈。當時,小方心情大靚,路上嘅人同佢打招呼,佢都會主動揮手兼且微笑做回應。飲完果汁之後,佢就一行三人,一齊向炮台山方向出發。一路上,小方都玩手機,見到街上得意嘅嘢,都會手指指,雖然佢已經三十七歲,但依然成個大細路咁樣。最後,佢哋上咗一幢三十二年樓齡嘅大廈,慶祝生日,小方心情咁好,啲老死應該搵咗唔少「新朋友」介紹畀佢。

剛剛做完運動嘅小方﹙右﹚,立即飲番杯果汁,補充水分及糖分。

 

小方一邊行,一邊十分好奇咁四圍望,似足一個大細路。

 

早前,小方就話生日會同家人及朋友食飯慶祝,原來地點係炮台山一幢三十二年嘅舊樓。