為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 11 日

張繼聰廉價包場冧妻

張繼聰同謝安琪(Kay)向來愛得甜蜜又高調,阿聰仲不時上載同老婆嘅生活照到社交網站,放閃晒愛。日前,雲頂夢號就正正睇中阿聰愛放閃的態度,搵佢做「放閃package」嘅代言人,推廣喺船身咁大個嘅LED屏幕,向愛人示愛的放閃服務。談及放閃同浪漫,阿聰就同東姑分享冧Kay嘅招數:「其實好多人都會浪漫,只係唔敢講出口,但我就唔怕肉麻,我會講出口亦會表現出嚟,我之前都有憑歌寄意冧老婆。」

阿聰講到自己咁浪漫,東姑真係非常好奇啱啱過咗嘅情人節,佢又出乜招數冧Kay呢?「嘩,我真係好浪漫呀!因為太太大肚,我又比較忙,未有時間安排,所以當晚由屋企人幫手湊仔,我就帶老婆去屋苑嘅會所餐廳撐枱腳,可能當日係情人節,啲人出晒去食浪漫晚餐,最後全場得我同太太兩個人,包場慶祝!」

另外,阿聰又自爆多年前同Kay啱啱拍拖嘅時候,同樣因為工作太忙碌而冇預約餐廳同準備禮物,最後只係帶咗Kay去茶記開餐。諗起往事,阿聰笑住話:「我真係覺得嗰次好浪漫,因為正正常常咁過,反而唔會記得,但情人節帶佢去食茶記,佢就記到o依家,仲不時攞返出嚟講笑,幾好吖!一世難忘!」所以話,浪漫唔一定要有靚花同美酒,只要對方冧你,喺邊度、食乜嘢又有咩所謂吖!

阿聰表示希望待太太Kay生了第二個BB後,可以抽空安排到郵輪浪漫一番。

 

阿聰笑指啱啱拍拖時,佢曾經帶Kay去茶記慶祝情人節,而呢件事,老婆仲笑到

 

近年,阿聰忙於拍劇,不單止冇時間去旅行,就連老婆生BB,都只可以請一、兩日假陪伴。

 

阿聰表示老婆喺浪漫方面,要求唔高,只要間中畀小小驚喜,就已經好滿足,兼且冧到爆!

 

唔怕肉麻嘅阿聰,自爆會為老婆花心思製造浪漫,以保持熱戀嘅感覺。