為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 03 日

盧海鵬轉數超快!嚇窒靚女主持

盧海鵬、林建明(大姐明)、趙海珠、林小珍、李尚正、簡采恩等今日(3月3日) 齊齊出席奇妙電視《放試》記者會;主持問鵬哥今次試咪同以前試咪有乜唔同,鵬哥就寸爆咁話:「支咪有乜唔同?只係我試咪方法唔同,你係講粗口,今日你係咪要我喺度試吖?我真係唔明你想問乜嘢?」見鵬哥答得如此寸咀,主持就即時轉換話題,而大姐明就笑指鵬哥說話向來好招積,更唔明他為何會長期保持火爆的狀態,拍攝時經常黑口黑面,聽到老拍檔的提問,鵬哥又寸爆咁答:「我哋撈人哋嗰行,人哋都唔笑,唔通我走去笑呀!冇理由吖嘛!」聽見鵬哥絕妙嘅解釋,站在身傍的大姐明就笑到見牙唔見眼,鵬哥最勁嘅地方就是如此,黑面招積又寸咀,都可以令你笑爆咀!高手!

 

 

 

 

盧海鵬、林建明齊齊出席活動,鵬哥由頭寸咀寸到尾,嚇到幾位主持面都青埋,口都震埋。