為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 03 月 02 日

洪永城回應「分」訊 唐詩詠「神回覆」

洪永城(Tony)與女友唐詩詠,近來不時被指有分手危機,又講到「十足十」,指女方Whatsapp講分手,又指Tony單戀相識多年的女性好友,加上詩詠曾公開指有一排無見男友,搞到「似層層」。雖然一再否認分手,但始終傳聞未完結,二人今次主動出擊,罕有地齊齊在社交平台留言,其後詩詠亦同樣留言,還被讚「神回應」。

Tony話:「睇嚟要post 親蜜相先代表我哋好好,要post 同女朋友可愛對話先代表我哋無問題,如果唔係本身無事都比新聞講到好似有事。」罕有地,連唐詩詠都出聲,還留言指「可能要拍片先得」,不過二人都以輕鬆口吻留言,未見有被謠言影響。粉絲們亦留言指「跪求片」,還指「現在有片都冇真相,要直播」!

其實,年初四晚Tony、詩詠成對孖公仔咁出席新春團拜活動。兩位笑晒口被在場唔少人索合照,C君曾搞笑回應跟麥玲玲學過幾招,幫詩詠擇日在今年內結婚,雖然詩詠回應「寧願單身好過選錯老公」,但亦唔排除自己會閃婚。

洪永城與女友唐詩詠,不時被指有分手危機,加上詩詠早前講過「寧願單身好過選錯老公」,不禁令人相信二人關係出現問題。

 

 

 

經常被傳「分」訊的洪永城,不時在網上放閃僻謠。

 

洪永城出擊回應事件,連唐詩詠都出埋手,仲被網友大讚「神回覆」。