為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 03 月 04 日

娛欣裊裊 羅欣儀

講到娛樂,年輕人都離不開行街、睇戲、唱K,現年二十八歲的羅傑承二女羅欣儀(Gloria),索性寓工作於娛樂。任職博美(BMA)投資集團有限公司董事的她,負責公共關係及市場推廣,執掌Red MR等娛樂業務,一一年回港後,她放棄律師資格,接手家族生意,打造香港新一代蒲點。

「我好鍾意開party,又鍾意唱歌,讀書時期(放假返香港)已經成日去蘭桂坊玩,然後會直落,去糖街CEO(Neway)唱K。當知道爸爸接手Red MR,我不知幾咁開心,就算做嘢嘅時間日夜顛倒,我都做得好enjoy!」有得做,又有得玩,呢份筍工喺邊度搵?

她認為最難處理的客人莫過於是醉酒鬧事,「 通常飲醉酒嘅都係外國客,以前有一張同microsoft合作嘅電子骰鐘枱,有人high得滯,企上去企到爛咗,又試過成個電視機畀人用酒杯擲爛咗,真係乜人都有。」

招待巨星

打工仔都想有份既有前景又有「錢景」的筍工,十二、三歲便留學英國,於University of Surrey修讀法律的羅欣儀,回港後一心想做律師,曾在香港、美國律師樓工作,前景一片光明,奈何難頂日夜顛倒的生活,把心一橫,決定轉行追求新目標。

「我喺律師樓工作嘅日子,簡直係日夜顛倒,有返工就無放工,每日九點返工,最早晚上十點半先放工,仲要同啲客戶應酬,(凌晨)三、四點先返屋企!其實我唔係介意,但一諗到日後都要維持呢個life,我真係唔想,咁後生就咁(無生活),我唔想再做落去,橫掂我有個degree喺手,就算(日後)唔ok都可以go back,想做interesting(有趣)啲嘅嘢!」

出外靠朋友,職場靠人脈,她透過前NowTV首席副總裁何麗全穿針引線之下,一四年到NowTV工作一年半,擔任公共關係及市場推廣職務。「爸爸當然覺得做律師好,但佢都無怪我去做電視,我想跳出去一間大公司學吓嘢。」

在職場浸淫了幾年,一五年羅欣儀正式回歸,與胞姐羅雪儀合力打理家族生意:「不嬲屋企人都想我返屋企做,始終有個自己人可以信得過!」胞姐負責餐飲營運業務,她則負責娛樂推廣工作,廿四小時on call,但她仍笑言樂趣多多,最開心莫過於招待國際巨星客人。

「Justin Bieber、BigBang、《Gossip Girl(花邊教主)》、《Glee(吉列合唱團)》 入面嘅主角,同啲NBA球星都有嚟過玩,每次佢哋嚟都好墟冚!最興奮係Justin Bieber嚟,而BigBang就好低調,雖然佢哋係巨星,但反而無咩特別要求,好nice,又可以同人影相,完全無架子!」

每逢新年,她(左二)都會與(左起)胞姐羅雪儀、繼母梁芷珊、爺爺、父親羅傑承、胞弟羅旭峰及同父異母的妹妹羅樂桐一齊過。「我哋同half sister關係好好,佢o依家十四歲,去咗英國讀書,我哋會一齊玩。」

 

平時愛打高爾夫球和跑步的她,亦愛到芬蘭滑雪。「今年好想挑戰去埃及,好多人都唔敢去。」