為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 02 月 24 日

陳凱琳蒙面遮殘樣

陳凱琳(Grace)同鄭嘉穎呢對「父女戀」不被外間睇好,成日傳分手,舊年仲傳女方疑似撻着新加坡造型師新歡Martin添。報道又話,Grace經常飛去新加坡係為咗密會新歡,言之鑿鑿。而喺Martin嘅社交網更加滿佈Grace嘅蹤影,令人有好多幻想空間,亦惹嚟陳凱琳與鄭嘉穎分手嘅疑雲。事後,Grace都同東姑講:「Martin係我嘅造型師,我去親新加坡都會搵佢,大家唔好作無謂揣測啦!」

雖然冇分手,但日前東姑喺銅鑼灣港鐵站撞到,一副倦容嘅Grace,佢手上揸住杯珍珠奶茶,戴咗個遮住大半塊面嘅口罩,似足蒙面女俠,真係少啲眼力都唔認得。好彩,東姑早排有留意Grace嘅微博,認得佢呢日着住嘅藍色大褸。當時,坐港鐵去九龍嘅佢,神不守舍,唔知係咪鄭嘉穎照顧不周呢?

 

 

雖然Grace戴咗口罩,但係東姑仍睇到佢一臉殘樣。

 

企喺度都差啲瞓得着嘅Grace,因乜嘢事咁攰呢?