為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 02 月 25 日

存在感 張存華

現年二十七歲的張存華(Emil),是鐵板神算董慕節的外孫,現於體育公司Harvest Sky Enterprises Limited擔任營銷經理,同時身兼樂視體育的NBA評述及節目主持。不過,外界對他的「存在感」,並非其身份、工作,而是他近日跟「十優港姐」麥明詩的緋聞。

對於緋聞,張存華再三強調並否認說:「我哋只係因工作關係而接觸,唔係拍拖!我同Louisa(麥明詩的洋名) 喺年幾前一個活動上認識,我哋只係朋友關係咋。」

雖然他否認戀情,但不諱言:「佢(麥)係叻女,我鍾意叻女,仲覺得佢好nice、好好人、好有才華、笑得好甜、眼又大。而且女拔萃出好多強人,我老細都係女拔畢業,所以我覺得自己同女拔女仔都幾啱傾。我好欣賞叻嘅女仔,o依家香港咁複雜,女強人係一種魅力。」

 

 

聰明叻女

數年前,我在健身中心經朋友介紹下,認識了張存華,他是個非常健談的人,加上大家同於香港聖若瑟小學和中學就讀,所以份外投契。後來,更發現他的外祖父是大名鼎鼎、有「董半仙」之稱的鐵板神算董慕節,由於其外公非常低調,他亦甚少透露家事。誰知近日張存華竟與十優港姐冠軍麥明詩傳出緋聞,還被傳媒大起底,身為朋友的我,當然要趁這個機會,找這位主角親解緋聞。

說話速度極快的張存華,談到與麥明詩的緋聞,即笑說:「其實我同Louisa係喺一個活動上認識,之後都無咩點聯絡,直至被影到嗰日,我哋先再次見面。」對於是否有意追求十優港姐,他表示:「我覺得佢好叻女,不過我哋始終未太了解,而且我覺得,如果一段感情剛開始,應該要低調少少好,等我哋識耐啲先喇!」

問麥明詩可是他的那杯茶,他坦言:「我當然鍾意叻同靚嘅女仔,而且你見我講嘢咁快,同我傾偈,都一定要轉數快!不過我o依家希望以事業為先,感情嘅事慢慢嚟喇!媽咪都叫我唔好心急去搵女朋友,我希望呢啲新聞,唔會影響我去識其他女仔啦!至於Louisa,日後有機會咪見囉,佢始終係一個又靚又叻嘅女仔,日後係點真係無人知,所以我唔會話我哋冇機會,總之o依家大家係朋友。」

談到麥明詩(圓圖),Emil大讚對方又聰明又叻女又靚女,是不少男士喜歡的對象。

 

全家敬重

談到家庭事,張存華指其父母只是普通商人,生活甚為低調,亦甚少出席公開活動。但提起外公董慕節,他即一臉正經說:「公公係我哋全家最敬重嘅人,佢今年九十三歲,身體仍然非常健康,仍然坐得好直。(他有留意你的新聞嗎?)有!佢睇完得啖笑。」

在張存華心目中,其外公除了是家中最德高望重的人,亦是一個要求非常嚴格的人。「佢無論對自己抑或對我哋要求都好高,要我哋懂得捱苦。佢係一個好斯文嘅人,由細到大都未講過一句粗口,好藝術家。而且佢見過嘅場面實在太大,遇過嘅人亦唔少,個個都有頭有面,加上佢做人非常勤力,就算o依家佢都繼續做嘢,但只係同有緣人睇(鐵板神算)。」

談到外公有否替他開命盤,他表示:「我媽咪求咗公公好多次幫我哋開命盤,公公都唔肯。直至我哋十八歲之後,佢先肯做。我聽完結果,真係喊咗出嚟,佢叫我『勇敢重新,立志振家聲』,其實都好啱我o依家做嘅嘢。

「鐵板神算我一定會信,所有嘢係用數字統計出嚟、用算盤計出嚟,我100%相信!公公對我哋都有家訓,就係:『富如游龍,游出五湖四海;窮於猛虎,殺盡九族六親』,意思係話有錢嘅時候,可以去到好遠;無錢嘅時候,又有幾多真心人喺身邊呢?」

一歲多的張存華曾被其母打扮成小女孩,他笑說:「因為我媽咪一直都想生個女,點知生兩個都係仔,所以我細個嗰陣,佢就將我打扮成女仔咁,滿足吓佢自己。」

 

張存華自細已與哥哥感情很好,無所不談,他還笑其哥兒時成個金正恩咁款。