為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 02 月 16 日

感激我遇見! 江碧蕙

本月將踏入四十一歲的香港首位華人女騎師江碧蕙(Sherie),去年七月突然在facebook宣佈與法國騎師李格力結束十九年的婚姻生活,並隻身回流香港。

期間,她火速重拾戀愛的春天,戀上法國、西班牙和波蘭混血網球教練Jerome Lacorte,雖然二人拍拖至今只約半年時間,但早前已入紙申請結婚,並定於下月二十一日舉行婚禮。「我哋係閃婚,不過我唔介意人哋點講,最重要係我哋一齊開心,而且佢畀到我回復青春嘅感覺。我信命,樣樣都要講天時地利人和,我好感激上天畀我喺呢個時間遇到佢!」

江碧蕙與Jerome雖然只是拍拖半年,但人前人後都表現恩愛,攬到實一實。

 

一 見 鍾 情


Sherie和拍拖半年的未婚夫Jerome,在訪問的過程中,表現得十分恩愛,不時旁若無人地拖手、掃背、攬腰,及對望甜笑。拍攝期間,二人更不時自動波互咀,全程流露出熱戀中男女的甜蜜。

Sherie坦言與Jerome於去年七月中在一次遊船河聚會中認識,「當時係我正式辦妥離婚手續後,回港出席第一個嘅朋友圈聚會,我哋喺朋友介紹下認識,可能大家都鍾意運動,所以傾起嚟特別投契。」在旁的Jerome即插嘴說:「其實嗰刻我被Sherie的笑容吸引,覺得佢好有活力,而且又平易近人,真係有一見鍾情嘅感覺。」

Sherie聽到Jerome盛讚自己,臉上流露出甜絲絲的笑容,「雖然大家都有少少feel,不過都未係咁快開始,之後我哋keep住用whatsapp傾偈,約會幾次後,直至八月尾,先正式開始拍拖。當時完全無諗過結婚,因為我o岩o岩離婚,而佢八年前離婚時,曾決定唔會結婚,不過感情嘅事真係無人知。

「我哋拍咗拖六個星期,有日喺餐廳食飯,佢突然開口向我求婚,當時咩都無o架,但我覺得我哋timing好o岩,大家情投意合,又鍾意做運動,可以相處得嚟,緣份係一剎那,唔會諗咁長遠,而且我信命,係天時地利人和,好amazing搵到一個咁夾嘅人,我第一段婚姻早結婚,冇乜拍過拖。佢嘅出現,畀我有種時光倒流,回復十幾二十歲時嘅少女感覺。佢仲畀到安全感同令我開心,已經好足夠。」

今年二月十四日是Sherie和Jerome一起後的首個情人節,浪漫滿瀉的Jerome特別準備了可愛的熊仔盆栽送給未婚妻。

 

Sherie得知Jerome熱愛網球,去年十月特別陪男友欣賞球賽。