孫慧雪宣布佗B
「宅男女神」孫慧雪與圈外男友羅天彥於上年尾拉埋天窗後被屢傳懷孕。孫慧雪出席活動時，亦明顯成個人脹晒，每次問是否懷孕都只說：「有好消息會公佈。」情人節一過，孫慧雪就在社交網站公佈喜訊：「這是上天送給我們最好的情人節禮物#終於可以公佈了 #三個月了 #胖了 #羅小B」她着住平底鞋用手整心心放在肚前，非常有愛！恭喜晒！
孫慧雪與羅天彥於上年12月23日拉埋天窗，昨晚同大家宣布有喜。
雪雪早前出席活動時身形明顯脹咗好多，已經孕味濃。
有網友留言話雪雪奉旨成婚，雪雪即回應：「結嗰陣都未知有，入紙申請都未有，結婚係因為認定呢個人，唔係奉子成婚，再咁講，我會嬲！」
