為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 02 月 17 日

正牌佛家 馬文龍 

香港地寸金尺土,想於家中多擺一件家具都難,但家品店OVO老闆馬文龍(Thomas)就認真識計數。兩年半前,他搬到五十年樓齡的銅鑼灣摩頓臺一個一千八百呎單位,安樂窩空間充足,令篤信佛教三十多年的他,可放置過百年歷史宗教及古董擺設,增添古色古香風情,更可洗滌心靈。

「我鍾意古董,尤其係佛教擺設,想將佛學融入生活,件件都係我捐窿捐罅搵返嚟,閒閒哋都有一、兩百年歷史,每件古董都唔可以用錢嚟衡量,要用藝術個角度嚟欣賞,住落個人都平靜啲!」

能與佛同在,對馬文龍而言,才是真正的安樂窩。

 

 

中日混搭

○○年創立家品品牌OVO的馬文龍,做過幕後製作、酒店及時裝,事業愈做愈大,身為老闆,理應愈搬愈豪,不過他卻對舊樓情有獨鍾。

「以前我住跑馬地,日日望住個山景,但我嫌細同唔夠方便,想落番山。銅鑼灣有好多選擇,但度度都人多車多,反而呢度遠離繁囂,有一廳一房,對面又有公園,好舒服!我唔介意住舊樓,夠晒四正,(格局)又方,就算係貝沙灣間三千呎屋,都無呢個廳咁大,新樓就更加唔使講,所以真係好實用!」

酒店管理系畢業的他,從小有藝術天份,用了兩個多月時間設計及打造理想家居。「原本入伙前好似祥嫂(洪金梅)間屋咁金碧輝煌,全部用晒拱門,我接受唔到,唔係我嘅style!我鍾意natural嘢,木、銅、鐵、石,所以地板我無郁過,留住啲人氣,但假天花同啲門就拆晒,改為中式同日式嘅擺設,收藏咗好多茶杯、茶壺、茶碟,九成係嚟自日本,我每次去日本,至少都會帶一百樣嘢返嚟,每一隻陶瓷杯碟都係人手做,唔會搵到第二隻一樣嘅。」

大廳放有兩尊由台灣買回來的現代版孫悟空,「兩個都係○六年製造,因為覺得佢哋好似小朋友咁開心,所以就買咗返嚟,全世界得十八個。」

 

 

 

放在玻璃枱上的貝殼,是西藏喇嘛於山上舉行法會時用來吹奏的樂器之一,已有一百年歷史。