為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 02 月 19 日

沒有陳廣偉,我甚麼都不是 陳柏宇

陳柏宇(Jason)這天來到拍攝取景的卡拉OK房,二話不說,便點了多首陳奕迅的歌,趁着攝影師打燈的空檔時間,不停地唱呀唱,投入程度,跟他數個月前唱着新歌〈沒有你,我甚麼都不是〉一樣,幾近忘我。

想唱就唱,隨性又隨心,事實上,他從來就沒有刻意經營過一個作狀又虛偽的「陳柏宇」,皆因他一直謹記着,自己本來名叫陳廣偉。

「呢個名係阿爺改嘅,我覺得好似係我出生嘅時候,就assign咗畀我咁,代表住最原本嘅我,同三十三年嚟嘅自己,所以我好鍾意人哋叫我呢個真名。

「『陳柏宇』呢個藝名,都係同事八卦,要搵師傅去改咋嘛,佢哋話陳廣偉呢個名娘,咁咪改囉!我本來都唔係叫做Jason,叫Ivano架,但原來英文名都有得算,真係吹佢唔脹!哈哈!不過到o依家,仍然有好多朋友,都係叫我做Ivan。」

入行十年,難得今天的Jason,依然是昔日的Ivan,終於明白到,他何解會被網民封為「隱世高手」。

隱世高手

是咁的,話說去年有網民在討論區開了一個名為〈樂壇隱世高手 陳柏宇〉的帖,成為了網民熱話,大讚陳柏宇多年來明明唱了很多好歌,卻偏偏為人低調,不愛整色整水造新聞搞話題,加上他曾在訪問時說過:「我唔想最紅、唔想做天王,太大壓力,冇晒私人時間。」故他從此便多了「隱世高手」的稱號。

「有咁多人支持我,當然係開心嘅!不過我覺得自己應該係『樂壇隱世中手』囉!一來、我仲有大把進步空間;二來、我得嗰170cm,堅唔係高囉!」

除了獲網民激讚,去年,更是Jason踏入樂壇第十個年頭,演出過舞台劇《告別の後。光影音樂劇場》,推出過舞台劇同名的原聲大碟和《The Players》兩張專輯,年底又在九展舉行了個唱,加上他在香港和海外的音樂頒獎禮中,橫掃了十多個獎項,算是大豐收的一年吧!「感覺上,大家好似為咗『十年』呢個題材,做咗好多有意義嘅嘢,花咗特別多嘅心機咁。

「老實講,有獎項去鼓勵,當然係好事嚟嘅,但數量多與少,我又唔係咁執着,亦唔會影響到我嘅心情。」

 

 

去年十一月,被喻為「隱世高手」的他,終於不再「隱世」,在九展舉行了三場個唱,門票秒殺掃光。「開完呢個個唱,我係對開騷嘅信心大咗嘅。」

 

男人老狗

然而,很多樂迷卻因為叱咤頒獎禮,吳業坤獲得「我最喜愛男歌手獎」,戥Jason唔抵,當晚坤哥既遭現場觀眾噓爆,很多網民甚至要求坤哥交出獎項。

「咁變相我都有啲戥佢(坤哥)唔抵嘅,哈哈!有人戥我唔抵,我當然係開心啦!但戥我唔抵嘅同時,都唔需要去貶低其他人囉——當然,如果嗰個人純粹係為咗要貶低人嘅話,又吹佢唔脹嘅。所以我好希望,真係戥我唔抵嘅朋友,專心戥我唔抵就得,唔需要去批評得獎嘅人,咁樣嘅建設性會大啲,世界又會開心啲。」

問到他有否跟坤哥私底下談論過這件事,他說:「仲傾乜嘢啫?咁咪仲尷尬!我又唔想表現到『我其實都好戥你唔抵o架』嗰種咁假,更加唔想係『係咁o架啦……』嗰啲種落井下石,既然係咁,咁不如唔好講啦,大家男人老狗唔好搞咁多嘢。」

兩位男人老狗,算是朋友嗎?「都OK嘅,唔係出嚟食飯、唱K嗰啲friend囉,但見到面,我哋一定會打招呼、傾偈同吹水——不過好老實,我同個個都吹(水)嘅,擺明等緊阿Eason(陳奕迅)個位——喺吹水嗰方面,哈哈!」

唱歌以外,Jason(左二)亦有投資漢堡包店和酒吧,還推出了個人品牌的手表。「搵錢冇人會嫌多,最緊要搵得開心嘅啫。」

 

叱咤當晚,吳業坤奪得「我最喜愛男歌手」獎,其身後本來被視為大熱的Jason,表現欣然,反而很多網民卻戥Jason唔抵。