為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 02 月 11 日

吳孟達兄弟熊抱

曾幾何時有周星馳嘅電影,一定有吳孟達同李力持,可惜今時唔同往日。最近,佢兩位就為咗網劇《反黑》而聚首一堂,睇嚟佢哋好耐冇見,喺屯門拍外景等埋位時,即刻坐埋一齊食燒肉,傾番夠本。

李力持見完大病初癒嘅達哥後,就喺社交網大噴口水:「佢中氣十足、狀態回勇,雖然比起早前細咗個碼,但家吓成個達哥返咗嚟,熊抱實測有肉地⋯⋯達哥話佢戒煙、戒酒,身體非常健康,聽到之後當堂放心晒!導演仲話開工咁耐,達哥未NG過,勁揪過鄭少秋,現場永冇手揸劇本,所有台詞連對手嘅,都全部儲存喺腦,一埋位就到位,不愧係導演們至愛嘅『戲王之王』,演來毫不費力。」

達哥縱橫娛圈四十年,功力深厚,無容置疑,不過畀李力持讚多兩讚,將東姑洗腦到好期待睇呢齣網劇囉。

李力持同達哥咁耐冇合作,一見面,兩人即刻開心到走埋熊抱一下。

 

兩位好兄弟,一邊食燒肉,一邊傾往事,人生一大樂事。

 

相隔十六年嘅對比照,李力持同達哥雖然人老咗,但兄弟情冇變。