為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2017 年 02 月 02 日

星級甲子園

女士們愛美,仲要由頭靚到落腳趾尾,除了做facial,手甲、腳甲都要執到靚一靚。

中環星級美甲店Eightyeight的美甲師陳嘉祺(Nicky),有不少名人捧場客,賭王千金何超蓮、何超盈、鄭欣宜、吳雨霏、文詠珊等都愛搵她執靚對手。訪問當日,仁濟前主席嚴玉麟女兒嚴紀雯(Carmen)正在店內美甲,她笑說:「Nicky做款好靚,好特別,唔會同人撞,出面嗰啲好cheap,呢度係星級享受。」

為十隻指甲扮靚,落樓盛惠$700至$1,600,價錢果然好星級。

美甲師Nicky(右)如魔法師,為Carmen(左)的十隻指甲大變身。

 

 

Carmen揀紫色的雲石紋加閃石,Nicky為她拆下舊甲和磨甲,去死皮,以透明gel底,再上三至四層顏色,需時約三小時。盛為$1,200。

 

超蓮好友善

叫得做「星級」,美甲師和客人一定有番咁上下份量。美甲師Nicky一雙巧手加無窮的創意,為小小的指甲上色畫花,好考功夫。Carmen過兩日要參加婚禮做姊妹,這天放工後,特登來美甲,她揀了雲石紋和大粒的閃石,「我通常兩至三星期上來一次,每次都會做手同腳。呢度用嘅都係靚嘢,如果用啲質量差嘅甲油,會令到指甲發黃、變軟及容易受細菌感染。之前幫襯過嗰啲質素就差啲,圖案手工都冇咁靚,呢度啲圖案唔會同人撞,好特別。」

能令到Carmen讚不絕口,Nicky自有其耍家本領,當中的galaxy(銀河系)、獨角獸、gummy bear系列是名人的熱捧款式,超盈和超蓮都曾親身體驗。

做人圓滑的Nicky,口中的每位「貴」客都好到不得了,她大讚超蓮好友善,「佢通常兩至三個月嚟一次,佢好有個人的風格,會諗定整乜,鍾意清啲、淺色,有時會混合幾款圖案,會好留意每一個步驟,佢真係好nice,會同我傾偈,關心吓我近況,問我辛唔辛苦。佢啲指甲屬於硬身,可以做soft gel,唔會咁易斷同爛。」

而超盈則最有潮流觸覺,「佢好忙,通常做之前幾日至打來book,等waiting list插期。佢會問我o依家最興乜嘢款,睇完sample,再自己揀色,好爽快。佢修甲時鍾意煲劇,通常睇歐美劇,我哋唔會打擾佢,畀佢自己relex吓。」Nicky知情識趣,自然被加分。

何超蓮好有主意,每次會想定主題,早前她揀了gummy bear(上圖);Pokemon Go遊戲熱時,她又揀了比卡超精靈(右圖)圖案,緊貼潮流。