為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 02 月 04 日

「大佬孝」上身 邵仲衡剷到梁健平見紅

「大佬孝」邵仲衡前年因《大時代》重播,人氣回升,工作接踵而來;而自我要求高的他,去年又執靚副偈,減掉廿磅肥膏演出舞台劇。近日,邵仲衡再與「綠葉王」梁健平、「高登女神」黃美棋等,合拍港台新劇《忘憂理髮店》。

劇中演「飛髮佬」的邵仲衡,為角色首次學剪頭髮,初時因未熟手,曾不慎剪掉對手梁健平的頭髮。日前,兩人再為該劇拍宣傳短片時,邵仲衡幫梁健平剪髮時,忽然「大佬孝」上身,心狠手快,結果又失手,這趟更令對方後尾枕見紅。

日前,邵仲衡拍攝港台新劇《忘憂理髮店》宣傳片期間,忽然大佬孝上身,強硬用剪髮器幫梁健平剷汗毛,令對方驚慌。

 

曾被邵仲衡錯剪頭髮的梁健平,是日又遭對方用剪髮器再剷「出事」位置,尚有餘悸的梁健平,咬實牙關。

調皮大佬

五十二歲的邵仲衡,前年趁神劇《大時代》重播, 復出接job搵銀,拍劇、拍電影之餘,又成功搣甩廿磅肥膏參演舞台劇,人氣徐徐上升。早前,他就有機會與視帝陳豪同場較量演技,拍新戲《逆向誘拐》時,兩人有一幕「溫韾牀戲」,絕對令人期待。近日,他還為港台新劇《忘憂理髮店》擔正,飾演舊式理髮店的「飛髮佬」,劇中除了要為「熟客」剪走煩惱絲,更要充當社工為他們解憂,他就自詡是「擺渡人」。

早於去年尾剛開拍《忘》時,邵仲衡因手勢尚未純熟,曾錯手剪去「綠葉王」梁健平的頭髮。邵仲衡連忙解釋:「初初拍唔熟手,唔覺得剪咗落去佢度,少少啫!」梁健平繼續申訴:「有場戲大佬孝要幫我剃鬚,撥晒啲剃鬚膏落我鼻窿,搞到我NG!」邵仲衡坦承:「係呀,其實係玩啫,幫佢剃鬚啫,佢個鼻哥窿好似海底隧道,我咪將啲剃鬚膏填滿佢囉。」勢估不到,年過半百的邵仲衡還是這般調皮,無佢修!

邵仲衡反串扮女神拍劇集宣傳片, 埋位前梁健平細心幫他將恤衫攝入褲頭,不過畫面卻令人想入非非。

 

邵仲衡一邊扮鬼臉,一邊使出鉸剪手,大講宣傳字句:「新年梗係剪個新髮型啦!」年過半百,依然鬼馬。