為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 01 月 30 日

何浩文行色匆匆

早排,「鴨王」何浩文(Dominic)同林作為爭奪「十優港姐」麥明詩,不斷隔空出招,鬥得好激烈。不過,之前東姑去咗Dominic喺北角間手握飯糰店嘅開幕儀式,佢就失驚無神介紹空姐女友唐紫瓊(Candy)畀傳媒認識,跟住又同女友搭晒膊頭影相,佢仲同東姑講,「我女朋友今日都有幫手,我哋開始咗兩個星期左右。」 其實,點睇唐紫瓊都同Dominic前女友糖妹有九成似,難怪佢決定放棄麥明詩。

日前,東姑喺炮台山見到Dominic行色匆匆,過馬路唔睇燈,爭啲畀車撞到添!見佢咁趕,於是跟住佢睇下乜事,原來佢係去7仔買嘢!東姑遠距離見到,佢攞咗盒四方形嘅嘢去埋單,第一時間梗係心邪,再行近啲睇,原來係眼藥水一盒啫。

東姑離遠見到Dominic攞咗盒四方形嘅嘢去埋單,仲以為係⋯⋯睇真啲原來係眼藥水﹙圓圈﹚,東姑真係心邪!

 

Dominic行色匆匆,過馬路唔睇燈,爭啲畀車撞到,行得咁急,原來去7仔買嘢!

 

為咗買嘢,Dominic喺人羣之中左穿右插,小心睇路呀!