為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 01 月 26 日

大展紅圖 陳欽杰 徐巧嬌

在家千日好,若安樂窩既大又坐擁靚景,當然更見愜意,自是歸心似箭。

Moiselle老闆陳欽杰(Bobby)與太太徐巧嬌(Shirley),也視家為命根,不但豪擲過億元,買入中半山地利根德閣兩層複式連平台近萬呎的相連單位,每日俯瞰維多利亞港日夜景色;廚藝了得的陳欽杰,訪問這天更親自創作三款賀年菜式,與太太及女兒陳蕾安(Tiffany)團年,齊心送猴迎雞。

「過年最緊要有氣氛,當然唔少得布置屋企同食團年飯,想吸引屋企人返屋企,就梗係靠煮嘢食喇,其實新年只要一家人齊齊整整聚埋一齊,我已經心滿意足!」

身穿應節大紅潮裝的陳氏夫婦,新年願望也是以家為本,骨子裏非常傳統。

客廳和飯廳充滿過年氣氛,處處擺滿鮮花,陳太指:「新年一定要買花,咁先有氣氛,以前年三十晚會去行花市,但o依家花市太多人,唔會嘞!」

 

飯廳正中央的巨型Baccarat水晶燈好搶眼,十人大枱於歐洲訂回來,陳太解釋:「我一直以嚟都唔鍾意圓枱,鍾情長枱,但有次去咗朋友屋企,用圓枱食飯,我覺得好正,同朋友傾偈一流,三年前就轉咗用圓枱。」

 

萬呎維港靚景

過新年,當然要跑到豪宅拜年,沾沾旺氣。身處在這豪華大宅中,時尚又有氣派,陳欽杰一家住在地利根德閣已有二十多年,他笑言就是全為這無敵維港靚景。

「我哋九四年已經搬嚟呢度,以前住下層,○○年就搬咗上嚟,以三千四(百萬元)買入一個單位,○八年再以八千四(百萬元)買埋隔籬個單位,然後打通,兩個單位夾埋七千六百呎,兩個平台就各一千呎。

「搬上嚟都係為咗個景,真係無敵!有咩喜慶節日,啲朋友都會要求上嚟食飯慶祝,順便可以睇煙花,夜晚熄晒燈仲會好浪漫添。試過有人出高價話要買,但呢度我哋點都唔會搬、唔會賣!」

屋企如此寬敞,地段又佳,陳欽杰落足重本裝修,更花了兩年時間才完工。「咁正嘅地方,當然唔可以嘥咗佢,我請咗(香港室內設計師)陳建中幫我設計間屋,同佢講想有大都會嘅感覺,要開心同有活力,又要有懷舊風格,中西合璧。

「呢度地段好,落去中環又近又方便,行上山頂做運動又得。相比起住(獨立)屋,我更加鍾意住大廈,因為我怕蛇蟲鼠蟻,又唔使驚有賊,有晒保安,安全好多!」

豪宅玄關位置,擺放了來自意大利的豬及台灣的貓頭鷹擺設,陳太指:「我好鍾意貓頭鷹,所以喺屋企唔同地方,都擺有貓頭鷹擺設。」

 

徐巧嬌鍾情花花圖案,於意大利買入這巨型花壺擺設,放在樓梯角落。