為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 01 月 27 日

May姐賀年 全部都係雞

雞年煮賀年菜,梗係要搵May姐馮美基!

廚藝了得的May姐,去年做節目時被笑封「雞汁May」。為迎接即將來臨的雞年,她特別炮製三款以雞為主題的賀年美食,既有創意十足的「啤酒富貴黃金雞」,又有極具意頭的「鴻運展翅釀雞翼」,更有大人細路都鍾意的「笑口常開雞曲奇」,樣樣色香味全。她更親自示範教大家如何烹調,唔止雞有雞味,仲有一份人情味。

你都咪走雞,一齊埋嚟學嘢喇喂!

 

 

富貴金雞


每逢農曆新年,May姐都愛親自下廚,為家人悉心烹調賀年菜,除了講究色香味,她又會搞搞新意思,配合生肖年份做出特色美饌。這天她就以新穎的烹調手法,炮製幾款既好睇又好味的全雞宴。

「中國人過時過節,飯桌上一定要有雞,新年就更加唔例外。我記得幾年前,有一次做冬時爆出禽流感,全港都冇活雞賣,直到新年先有限度供應,嗰年啲雞特別貴,一隻最平都要三、四百蚊,但無計,貴都要買,因為冬大過年,中國人傳統做節食飯,點可以冇雞。」

May姐今年不想千篇一律整白切雞豉油雞,思前想後決定以西式的做法,炮製獨創的啤酒雞,並取名「富貴黃金雞」,還有「鴻運展翅釀雞翼」和「笑口常開雞曲奇」,寓意金雞報喜,雞年人人金玉滿堂,大吉大利。「其實中國人煮雞嘅方法五花八門,無論蒸、炆、煎、燉、炸,凍食和熱食都好好味,唔似外國人,只係識燒同炸。」她又回想起人生食過最好味的雞,「嗰次我同鄧光榮及一班朋友一齊去東莞玩,當地有間舖頭叫『天下第一雞』,手撕雞好出名,一入口肉質嫩滑又彈牙,就算凍食都好惹味,之後食過好多間,都冇呢間咁有水準。」

 

啤酒黃金雞

材料:雞一隻,啤酒一罐(1/2滿),橄欖油一湯匙
醃料:啤酒一湯匙,鹽1 1/2湯匙,黑胡椒2茶匙,卡珍調味料1茶匙,檸檬汁1茶匙,新鮮切碎香草(迷迭香/羅勒/奧勒岡)2湯匙

將所有醃料混在一起。

 

雞內外均用醃料塗勻,放雪櫃醃過夜。煮前預先將雞取出待回復常溫。

 

將1/2滿啤酒的啤酒罐插入雞尾,然後用錫紙將雞翼包好,避免焗燶。

 

將雞打直放在焗盆上,均勻掃上橄欖油,放入已預熱至攝氏200度的焗爐焗約35分鐘至金黃色熟透。