為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 01 月 28 日

蔡一鳳盛品儒 富貴團年

年又過年!對於一眾靚太來說,農曆年一定相當忙碌。

銳思集團老闆蔡一鳳﹙Michelle﹚與亞視前執行董事盛品儒(James),結婚踏入第二個年頭,既要兼顧事業,又要做犀利人妻,辦年貨要分秒必爭,花膠海味、糖果禮盒及貴價水果樣樣唔少得,仲買埋生猛海鮮煮團年飯,唔格價,睇o岩就買。

談及新年的首個任務是生雞BB,蔡一鳳大叫「我有壓力」,而盛品儒則笑笑口說:「我好有信心,雞BB一定有,其他嘢我唔敢講。」

蔡一鳳行入海味店,急凍鮑魚、大花菇、海參、花膠、瑤柱、紅棗……見乜掃乜,買過萬元海味。

 

買唔停手

臨近新年,蔡一鳳和老公盛品儒難得同時在港,趁有空便拉埋家傭一齊出動辦年貨,她先去買海味乾貨,準備團年飯和開年飯,蔡一鳳笑說:「新年要整盆菜,要有海參、鹿筋、鮑魚、花菇、瑤柱、髮菜、蠔豉、大蝦等,要好多材料,盆滿缽滿先好意頭。」

只有一年人妻經驗的蔡一鳳,雖然初次辦年貨,但目標清晰,先揀了急凍野生兩頭鮑魚和急凍海參,之後再掃花膠、花菇、瑤柱等,她見到燕窩又心動,女人肯定鍾意養顏。「年年都係奶奶同媽咪買,因為佢哋驚我唔識揀靚海味,但今年我決定試吓自己買。」

盛品儒則在另一邊看冬蟲草,他像專家般拿上手用鼻索一索,蔡一鳳大爆老公每朝都食冬蟲草補身,「奶奶吩咐工人姐姐每朝燉三條畀James食,屋企得佢一粒仔,肯定錫到佢燶!」但盛品儒知道價錢後,認真地對傭人說:「以後每日兩條夠喇,三條太嘥!食咗幾年,覺得肺功能同體能都好咗。」

之後二人拍拖去買賀年糖果和禮盒,又去灣仔買水果,原來盛品儒是「生果精」,一日三餐無水果不歡。身為食家的他,見到日本晚白柚,即雙眼發光,「買個今晚做消夜都好,我可以自己食晒一個。」他又抬了幾箱澳洲塔斯曼尼亞車厘子、「日向夏」柑橘,日本蜜入蘋果等,蔡一鳳攬住個晚白柚說:「我哋好誇張,次次都抬幾箱生果返屋企,每次買二千蚊左右,平均十日就要補一次貨。」

盛品儒好識補,每朝飲蓮子、紅棗加三條冬蟲草燉湯補身,頂級冬蟲草每両要二萬六千多元,聞一聞都好醒神!

 

大大隻的花膠,盛惠$1,700一隻,她又看BB盞燕窩$4,888一盒,「我成日整花膠,對女人好滋補,奶奶就鍾意整燕窩,佢最識揀。」