張繼聰發哥上身
張繼聰拍咗無綫多套劇集之後，觀眾緣愈來愈好；尤其是之前一齣《幕後玩家》，劇入面飾演「Tim少」嘅佢，經常爆金句同埋搞gag，就算唔係行靚仔路線，都畀佢成功吸納唔少fans。
早排，東姑見佢出席活動，都不知幾受歡迎，啲粉絲爭住搵佢影合照，發現佢唔只搞笑o氹得人開心，原來份人仲好親切，極之「暖男」吓。通常女粉絲要求合照，佢都會畀加零一嘅熱情，主動話拎機自拍；而且，仲好有心機幫人就到靚個角度嚟影。呢啲親民嘅行為，拍得住眾人嘅偶像發哥周潤發，絕對抵讚！
張繼聰真唔話得，就算司機揸住七人車已經到咗等緊，佢都企定定幫粉絲影埋張相兼簽埋名先。
發哥示範過好多次，自拍合照其實好講技巧，而張繼聰揸機似乎都有發哥嘅風範喎！
