反貪打擊市道　雞年金銀幣炒唔起

猴年將去，金雞獻瑞。為迎接丁酉雞年，中國人民銀行一如以往在香港推出「十二生肖紀念金銀幣」。

十二生肖金銀幣一直吸引不少市民「入飛」，收到金幣後馬上到錢幣舖沽貨，博發個新年財。不過，今年抽「雞幣」希望短炒的市民要小心，據業內人士說，近年生肖幣的炒價較數年前高峰時已大跌，主因是內地反貪。「中國人好鍾意送禮，金幣本來最適合官場人士同商業夥伴打交情，現時根本無人夠膽送，所以無咩需求，個價一啲都炒唔起。」

上周四，記者到旺角的好旺角商場觀察行情，發現各店主對回收雞年金銀幣的熱情明顯減退。「我會收，但今時唔同往日，唔包你賺，推出市場後個價跌，你賣唔賣？依家人民幣係咁跌，我唔睇好回收價。」一名店主說。

事實上，人民銀行率先在內地發售的雞年金銀幣，香港部分錢幣舖已有售，售價更與中銀相近，未有入飛或抽不中的市民，亦可直接前往購買。其中「三克精製金幣加三十克精製銀幣套裝」，大洋金幣的售價與人民銀行相同，均為二千三百八十元。「三克彩色金幣加三十克彩色銀幣套裝」，該舖售價只貴一百五十元。

大洋金幣經理黃玉麟表示，由於人民銀行及舖頭均有加強宣傳，今年銷情尚算不錯。「以往雞年金幣幾好賣，因為圖案靚，不過呢兩年經濟環境唔好，所以今年少咗人買。其實現時金同銀價都咁平，買來長線投資，算是好時機。」

中國人民銀行今年再次推出「十二生肖紀念金銀幣」，但希望短炒的市民可能失望，因為市場需求大減，隨時損手離場。

大洋金幣已有各種雞年金銀幣現貨發售，而且售價與中銀相差不多。

龍、馬、虎生肖最受歡迎，雞不算炙手可熱。