為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2017 年 01 月 21 日

膠級趣味 陳爽

香港人咩都鍾意儲,但儲海味,係咩玩法?

一二年下嫁金融才俊梁梓軒的陳爽(Sherry),因夫家做海味生意,加上一四年創立了觀頤骨膠原專門店後,令她對海味的認知大大提升,既鍾意食,更鍾意儲。

「食海味可以補身、美顏,仲有投資價值。o依家啲花膠、鮑魚年年升值,見到靚嘅貨,我都會珍而重之咁儲起佢,收藏當中最勁係老爺傳落嚟,一隻五、六十年前嘅一頭魚膠,好大隻又完整,畀多多錢我都唔會賣!」

既有觀賞價值,又有升值能力,仲可以煮埋嚟食,識儲梗係儲呢啲!

現懷孕九個月的她指,產婦好適合食花膠,「有唔少人誤會食花膠會令到產婦無乜奶水,其實唔會,花膠有好多蛋白質同骨膠原,會令母乳質素更好。」

 

笑言每個星期都有不同湯水飲的她,指蜘蛛肚對生仔相當好,滋陰又補血。

 

養顏兼保值

零七年選美出身的陳爽,雖然已為人母,但肌膚得天獨厚又白又滑。她笑言,早年不懂得養顏美肌,直到遇到其丈夫梁梓軒,接觸到參茸海味,才開始懂得進補。「當年我嚟到香港加入TVB,成日食無定時,嗰時我同Sarah(宋熙年)同(李)亞男一齊住,見亞男個媽媽成日煲湯畀佢飲,Sarah又自己識煲湯,我就學佢哋,去超級市場買現成嘅湯包煲嚟飲。

「七年前,識咗家族做參茸海味生意嘅老公之後,發現佢屋企人無論男男女女嘅皮膚都好滑好靚,細問之下知道原來滋補嘅湯水,可以美肌同養生。好多女人過咗三十歲,都想保持青春,會用好多護膚品,但其實隨住年齡增長,內外都需要補,尤其我生咗BB之後,有充足嘅湯水,身體真係好咗好多,之後就開始研究各種海味嘅食療功效。」

陳爽大讚海味可以美顏之餘,仲有投資價值,故她五年前,開始收藏花膠和鮑魚。「要深入研究同收藏海味,其實需要好多學問,唔係咩都可以買嚟收藏。好似魚翅同海參就唔襟擺,愈擺得耐,啲骨質就愈少,滋補功效都會無埋,有靚貨都要盡快食咗佢。花膠、鮑魚就唔同,擺得愈耐就愈值錢。

「鮑魚要睇產地,全世界最靚嘅係日本,但要買311大地震前嘅鮑魚。至於花膠,就要睇出自咩魚,因為o依家深海魚愈嚟愈少,令花膠嘅價值升得好快,當中以魚膠最罕有,仲要睇劏功靚唔靚,夠唔夠完整,我屋企收藏中,最勁嗰隻係五、六十年前嘅生開魚膠,老爺傳落嚟嘅,非常稀有,我多多錢都唔會賣,會留返畀我個女第時做嫁妝!」

這款陳年花膠皇,市價每隻至少兩萬元。

 

陳爽會將海味存放在密封的玻璃瓶內,再放在恆溫的室內,確保不會受潮而變質。