唐詩詠熱情奔放
唐詩詠畀唔少網上「巴打」封做「最佳女朋友」，覺得佢無論外在美同內在美，做女朋友都冇得頂，形象斯斯文文又溫溫柔柔，令唔少男士垂涎，所以唔少人都妒忌洪永城，恨得要死！
其實，唐詩詠斯文外表底下，偶爾都有佢熱情如火嘅另一面，好似早排東姑喺街上遇見佢，夜麻麻喺街頭同一個女粉絲傾偈，兩個唔知講乜，後來仲愈講愈興奮，搞到詩詠都一時忘形，突然之間就當街攬到個女粉絲實一實，睇佢唔出原來佢都係大情大性之人。好彩，如此熱情奔放嘅行為，只限女生啫，否則洪永城實嬲嬲豬喇！
詩詠同埋一個女粉絲，夜麻麻喺街頭度相遇，兩個似乎好好傾，愈講仲愈興奮。
詩詠一向順得人意，粉絲要求同佢合照，佢當然笑晒口好樂意。
詩詠睇落斯文內斂，但對住呢個女粉絲就出奇咁熱情奔放，臨走時仲攬埋一嚿。
