陳慧琳蝦餃出眾

陳慧琳（Kelly）大仔劉昇（花名：蝦餃仔），o依家就讀荔景一間平民國際學校嘅小學二年級，雖然學校唔算得上星級名校，但東姑聽啲同學仔家長講，蝦餃仔喺學校嘅表現算唔錯，同學之中算精靈嘅一族。

東姑仲睇過佢上年一年級嘅班相，發現蝦餃仔喺同學仔之中，相對地生得高大，所以特別「搶fo」搶鏡，加上天后媽咪好識幫佢襯衫，戴住煲呔影嘅學生相，都寧舍sharp醒過人！

而且，外形sharp之外，東姑發現佢所用嘅英文名都與別不同，叫做「Chace」，個名有獵人同捕獵手嘅意思，潮媽Kelly幫蝦餃仔改呢個名，可能係想囝囝好似獵人咁機智、勇敢，意義深遠，加上個名咁獨特，就唔怕同人撞名啦！

蝦餃仔一年級嘅班相，見到佢企喺正正中間，比較同齡身邊嘅小朋友，算生得特別高大。

蝦餃仔打埋煲呔影嘅學生相特別sharp醒，而佢英文名Chace亦夠晒特別，唔慌會同人撞名。

蝦餃仔同埋細佬小籠包，早排喺媽咪陳慧琳嘅演唱會上台表演，相當精靈。