水務署傳授「慳水之道」

受租金、食材和人工「三高」衝擊，飲食業人人叫苦連天，惟有「慳得一蚊得一蚊」，希望逃出生天。

水務署廣泛諮詢飲食業後，早前分別針對酒店業及餐飲業，編寫「用水效益最佳實務指引」，於去年底「節約用水週」推出，向業界傳授「慳水之道」。敘福樓集團執行董事黃傑龍大讚指引有助業界節約用水，減省成本。「未有指引時，我哋都做緊慳水慳電功工夫，有咗本書仔後，新入行嘅就唔使行咁多冤枉路！」

彩龍皇宮大酒樓集團主席梁振華表示，參考完水務署的指引後，會向員工分享「慳水之道」。「指引入面有唔少項目都做緊，例如解凍用嘅啤水機，唔使開大水喉解凍食物。」

除參考水務署的新指引外，梁振華指業界亦要自己度橋，例如他會加入自家設計，將洗碗機過濾出來的水循環再用。「其實只係將洗碗機排放嘅水裝起再過濾，用嚟沖污糟碗碟，之後先過水洗碗，咁就唔會浪費食水。只要肯花一點心思，既能慳水又慳『水』（錢），一舉兩得。」

水務署於去年底節約用水周推出「用水效益最佳實務指引」，向業界傳授慳水之道。

 

啤水機利用氣泵在解凍池內製造水流，使冷藏食物在池中轉動，加快解凍的速度。

敘福樓集團執行董事黃傑龍稱指引內容有助節省成本，「又救到地球，又可增加盈利。」